މާރާމާރީއެއްގެ މައްސަލައެއްގައި މީހަކު ހޯދަން ފުލުހުން އިއުލާންކޮށްފި އެވެ.
ހުޅުމާލެ ފްލެޓް ނަންބަރު C9-4-C އަހުމަދު ނިޒާމު، 50، އެވެ.
ފުލުހުން ބުނީ އޭނަ ހޯދަނީ ހުޅުމާލެ ފޭސް އެކެއްގެ ޕޮލިސް ސްޓޭޝަނުން ތަހުގީގުކުރަމުން އަންނަ މާރާމާރީ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.
އެހެންވެ އަންނަ މަހުގެ 15 ވަނަ ދުވަހުގެ ހެނދުނު 10:00 އަށް ހުޅުމާލޭ ޕޮލިސް ސްޓޭޝަނަށް ނިޒާމު ހާޒިރުވާން އެދިފައިވެ އެވެ.