މިއަދު ފާހަގަކުރަމުން އަންނަ ނައުރޫގެ މިނިވަން ދުވަހުގެ މުނާސަބަތުއި އެ ގައުމުގެ ރައީސް ޑޭވިޑް ރަނިބޮކް އެޑިއެން، އެމްޕީ އަށް ރައީސް ޑރ. މުހައްމަދު މުއިއްޒު ތަހުނިޔާގެ މެސެޖެއް ފޮނުއްވައިފިއެވެ.
އެ މެސެޖުގައި ދިވެހި ސަރުކާރާއި، ރައްޔިތުންނާއި، އަދި ރައީސްގެ އަމިއްލަ ނަންފުޅުގައި، ނައުރޫގެ ސަރުކާރަށާއި ރައްޔިތުންނަށް އެޤައުމުގެ މިނިވަން ދުވަހުގެ ތަހުނިޔާއާ ހެޔޮ އެދުންތައް ފޮނުއްވާފައިވެ އެވެ.
މެސެޖު ނިންމަވާލައްވަމުން ރައީސް ވިދާޅުވެފައި ވަނީ ނައުރޫގެ ރައީސަށް ދުޅަހެޔޮކަމާއި ރަނގަޅު ޞިއްޙަތަކަށް އެދިވަޑައިގަންނަވާ ކަމަށާއި އެ ގައުމުގެ ނައުރޫގެ ރައްޔިތުންނަށް ފާގަތިކަމާއި ކުރިއެރުމަށް ވެސް އެދިވަޑައިގަންނަވާ ކަމަށެވެ.
ނައުރޫ އަށް މިނިވަންކަން ލިބުނީ ޖެނުއަރީ 31، 1968 ގަ އެވެ.