ރާއްޖޭގެ އެންމެ ބޮޑު އިންޝުއަރެންސް ކުންފުނި، އެލައިޑްގެ 39 އަހަރީ ދުވަހާ ގުޅުވައިގެން ގިވްއަވޭ ސީރީޒެއް ފަށައިފި އެވެ.
މި ހާއްސަކޮށްފައި ވަނީ އޮންލައިންކޮށް އިންޝިއުރެންސް ޕޮލިސީ ގަންނަ ކަސްޓަމަރުންނަށެވެ. އެގޮތުން އޮންލައިންކޮށް އެލައިޑުގެ ކޮންމެ އިންޝިއުރެންސް ސްކީމެއް ގަތަސް ހާއްސަ ހަދިޔާއެއް އެ ކަސްޓަމަރުންނަށް ލިބޭނެ އެވެ. އަދި ޕޮލިސީ ގަންނަތާ މަސް ދުވަހުގެ ތެރޭ އެލައިޑް އޮފީހަށް ދިއުމުން އެ ހަދިޔާ ލިބޭނެ އެވެ.
ގިވްއަވޭ ސީރީޒްގައި ހިމެނޭ ހަދިޔާތަކުގެ ތެރޭގައި ކުޑަ، ކޯޓު، ތޮފި، ރީޔޫޒަބަލް ކޮތަޅު، ނޯޓްބުކް، އަދި ފޯން ސްޓޭންޑް ފަދަ ތަކެތި ހިމެނެ އެވެ.
އެލައިޑްގެ ޕޮލިސީ ގަންނަ ފުރަތަމަ 39 ކަސްޓަމަރުންނަށް ވެސް ހާއްސަ ހަދިޔާއެއް ދޭން ވަނީ ހަމެޖެހިފަ އެވެ. އަދި އެހެން އަހަރުތަކާ އެއްގޮތަށް މި އަހަރު ވެސް ކަޕްކޭކު ބެހި އެވެ.
މިކަމާ ގުޅޭ ގޮތުން އެލައިޑްގެ މާކެޓިން މެނޭޖަރު އައިޝަތު ސުދާ ވިދާޅުވީ އޮންލައިންކޮށް ހިދުމަތް ހޯދާ ކަސްޓަމަރުންނަށް ފޯނު މެދުވެރިކޮށް އެސްއެމްއެސްގެ ޒަރީއާއިން ރިފެރަލް ކޯޑެއް ލިބޭނެ ކަމަށާއި އެ ކޯޑު ފްރަންޓް އޮފީހަށް ދައްކާލުމުން ހަދިޔާ ލިބޭނެ ކަަމަށެވެ.
އަހަރީ ދުވަހާ ގުޅުވައިގެން އެލައިޑުން ފާއިތުވި އަހަރުގެ އެންމެ ރަނގަޅު ތިން ބްރޯކަރުންނާއި ތިން އެޖެންޓުންނަށް އެވޯޑު ވެސް ދީފަ އެވެ. އަދި އެ ކުންފުނީގެ ސީއެސްއާރުގެ ދަށުން ރެޑް ކްރެސެންޓުގެ ކޯޕަރޭޓް ހިއުމެނިޓޭރިއަން އިނީޝިއޭޓިވްގައި ބައިވެރިވެ، ފުލުހުންގެ "ރައްކާ" ރޯޑް ޝޯގެ އެއްބަސްވުން ވެސް އާކޮށްފައިވެ އެވެ.
އެލައިޑަކީ އެސްޓީއޯގެ ސަބްސިޑަރީއެކެވެ.