ޕްރޮސެކިއުޓަ ޖެނެރަލް ހުސައިން ޝަމީމަށް މަރުތޭލަކުން މިއަދު ހަމަލާ ދިނީ ސައިކަލެއްގައި ދިޔަ ބަޔަކު ކަމަށް ޕީޖީ އޮފީހުން ބުނެފި އެވެ.
އެ އޮފީހުން ބުނީ ހަމަލާ ދިން ސައިކަލްގައި ދެ މީހަކު ތިބި ކަމަށާއި ހަމަލާ ދިނީ މިއަދު ވަރަށް ހެނދުނުގެ ވަގުތެއްގައި ކަމަށެވެ. އެ ހަމަލާގައި ލިބުނު އަނިޔާތަކަށް ޕީޖީ އަށް އޭޑީކޭ ހޮސްޕިޓަލްގައި ފަރުވާ ދީފައިވެ އެވެ.
މި ހަމަލާއާ ގުޅިގެން، އެމްއެންޑީފުން ވަނީ ޕީޖީގެ ސެކިއުރިޓީ އިތުރަށް ވަރުގަދަކޮށްފައި ކަމަށް ޕީޖީ އޮފީހުން ބުންޏެވެ.
މި މައްސަލަ ފުލުހުން އަންނަނީ ތަހުގީގު ވެސް ކުރަމުންނެވެ. އެކަމަކު އަދި އެއްވެސް މީހަކު ހައްޔަރުކޮށްފައެއް ނުވެ އެވެ.