ފ. މަގޫދޫ ފަޅުގައި ރިސޯޓެއް ތަރައްގީކުރަން ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު އެ ރަށު ކައުންސިލުން މިއަދު ހުޅުވާލައިފި އެވެ.
ކައުންސިލުން ބުނީ ޝައުގުވެރިވާ އިންވެސްޓަރުންނަށް ބީލަމުގައި ރަޖިސްޓްރީވުމުގެ އަންނަ މަހުގެ 15 ގެ ނިޔަލަށް އޮންނާމނެ ކަމަށާއި ބީލަން ހުށަހަޅަން ޖެހެނީ އަންނަ މަހުގެ 28 ގައި ކަމަށެވެ.
މަގޫދޫ ފަޅުގައި ތިން ރިސޯޓް ހެދުމަކީ މިހާރުގެ ރައީސް ޑރ. މުހައްމަދު މުއިއްޒުގެ ވައުދެވެ.
ކައުންސިލުން ވަނީ "މަގުދޫ ޓޫރިޒަމް ޒޯން" ގައި ރިސޯޓް ހެދުމަށް 10 ހެކްޓަރުގެ ސަރަހައްދެއް ކަނޑައަޅައިފަ އެވެ.
ސަރުކާރުން މިހާރު އަންނަނީ މަގޫދޫ ފަޅުގައި އެއާޕޯޓެއް ވެސް ތަރައްގީކުރަމުން ނެވެ. މި އެއާޕޯޓަކީ 1،800 މީޓަރުގެ ރަންވޭއަކާ އެކީ ޕްރައިވެޓް ޖެޓްތަކަށް ވެސް ހިދުމަތް ދެވޭ ފެންވަރަށް، 231.5 މިލިއަން ރުފިޔާ ހަރަދުކޮށްގެން ހަދާ އެއާޕޯޓެކެވެ.