މިދިޔަ އާދީއްތަ ދުވަހު ރައްޔިތުންގެ މަޖިލީހުގެ ޖަލްސާގައި މެމްބަރުންގެ މެދުގައި ހިނގި ހަމަނުޖެހުންތަކުގެ މައްސަލަ ފުލުުހުން ބަލަން ފަށައިފި އެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ފުލުހުންހެ އެކްޓިން ހެޑް އޮފް ކްރައިމް އިންވެސްޓިގޭޝަން ކޮމާންޑް، ޗީފް ސުޕްރިންޓެންޑެންޓް އަހުމަދު ނާފިޒު ވިދާޅުވީ އާދީއްތަ ދުވަހުގެ މަޖިލީހުގެ ޗެމްބަރުގެ ތެރޭގައި ތެރެއިން މެމްބަރުންތަކަކަށް އަނިޔާވި މައްސަލަ މަޖިލީހުގެ އިދާރާއިން ފުލުހުންނަށް ހުށަހަޅާފައިވާ ކަމަށެވެ. އަދި ހަމަ އެ ދުވަހު އަނިޔާވި މެމްބަރުން ވެސް މައްސަލަ ފުލުހުންނަށް ހުށަހެޅުއްވި ކަމަށް ވިދާޅުވި އެވެ.
އެހެންވެ އެ މައްސަލައިގެ ތަހުގީގު މިހާރު ކުރިއަށްދާ ކަމަށް ވިދާޅުވި އެވެ.
"އަނިޔާވި މެމްބަރުންނާ އަދި އެ މެމްބަރުންނަށް ބައެއް ކަހަލަ އިންޒާރުގެ މެސެޖްތައް ލިބުމާ ގުޅިގެން އެ ބޭބޭފުޅުންގެ ކަންބޮޑުވުންތައް ހުރެހެން އެބޭފުޅުންގެ ރައްކާތެރިކަމަށް އެދި ހުށަހަޅާފައި ހުރި މައްސަލަތައް ވެސް ހިމެނޭ." ނާފިޒު ވިދާޅުވި އެވެ.