ފޮރިން މިނިސްޓަރު މޫސާ ޒަމީރު ރަސްމީ ދަތުރެއްގައި ބެލްޖިއަމަށް ވަޑައިގެންފި އެވެ.
ފޮރިން މިނިސްޓްރީން ބުނީ މިނިސްޓަރުގެ މި ދަތުރަކީ ޔޫރަޕިއަން ޔޫނިއަން (އީޔޫ) އާ އެކު ރާއްޖެއިން ބާއްވާ ގުޅުންތައް ވަރުގަދަކުރުމަށް ކުރައްވާ ދަތުރެއް ކަމަށެވެ. އެގޮތުން މި ދަތުރުގެ ތެރެއިން އެ ޖަމިއްއްޔާގެ އިސް ބޭފުޅުންނާ މިނިސްޓަރު ބައްދަލު ކުރައްވާނެ އެވެ. މި ބައްދަލުވުންތަކުގެ މައިގަނޑު މަގުސަދަކަށް ވާނީ ރާއްޖެ އާއި އީޔޫއާ ދެމެދު އޮތް ގުޅުން އިތުރަށް ބަދަހިކޮށް ފުޅާކުރުން ކަމަށް މިނިސްޓްރީން ބުންޏެވެ.
މީގެ އިތުރުން ދުނިޔޭގެ މަޝްރަހުގައި، ހާއްސަކޮށް މާލީ ގޮތުން ދެ ފަރާތަށް ފައިދާކުރަނިވި ދާއިރާތަކާ ބެހޭ ގޮތުން މި ބައްދަލުވުންތަކުގައި މަޝްވަރާ ކުރެވޭނެ ކަމަށްވެ ސް މިނިސްޓްރީން ބުންޏެވެ.
ޒަމީރުގެ ދަތުރުގެ ތެރެއިން އީޔޫގެ އިންޑޯ ޕެސިފިކް މިނިސްޓީރިއަލް ފޯރަމުގައި ވެސް ބައިވެރިވެވަޑައިގަންނަވާނެ އެވެ.