އިންޑިއާގެ ފަރާތުން ރާއްޖެ އަށް އަދި މާ ގިނަ ގޮތްގޮތް ވާނެ ކަމަށް ވިދާޅުވެ، ކުރީގެ ރައީސް މުހައްމަދު ނަޝީދު އެ އެ ގައުމު ދިފާއުކޮށް ވާހަކަ ދައްކަވައިފި އެވެ.
ރާއްޖޭގެ ކަނޑުގެ ސަރަހައްދުގައި، ރާއްޖޭގެ މަސްދޯނިތަކަކަށް އިންޑިއާ ކޯސްޓްގާޑުގެ ސިފައިންތަކެއް އިއްޔެ އެރި މައްސަލައިގެ ދިލަ ބޮޑުވެފައި ވަނިކޮށް އެކަމާ ގުޅިގެން މީހަކު "އެކްސް" ކުރި ޕޯސްޓެއްގެ ރައްދުގައި ނަޝީދު އެ ޕްލެޓްފޯމްގައި އެމްއެން އަންއޮފިޝަލްގެ ނަމުގައި ގެންގުޅުއްވާ އެކައުންޓުންވިދާޅުވީ ނުފޯރާ ފޮތިން ފޫގަޅަން އުޅުނީމައި ފެންނާނީ އޮރިޔާން ކަމަށެވެ.
"އިންޑިއާ ކަނޑަށް ޗައިނާގެ ސްޕައި [ޖާސޫސީ] ބޯޓުފަހަރު ގެނެސް އިންޑިއާގެ ޕީއެމް [ބޮޑުވަޒީރު ނަރެންދުރަ މޯދީ އަށް] ހިތުހުރި އެއްޗެއް ގޮވީމަ އަދި މާ ގިނަ ގޮތް ވާނެ." މިހާރު ގާނާ އަށް ދިރިއުޅުން ބަދަލުކުރައްވައިގެން ހުންނެވި ނަޝީދު ވިދާޅުވި އެވެ.
Thibeyfulhun ragalhah visnaa. Nufooraa fothin foogalhan ulhuneema fenaanee oriyaan. India kandah China spy boatfaharu genes, India PM ah hithu huri ehcheh goveema adhi maagina goia vaane.
— MN unofficial (@anedhivehirajje) January 31, 2024
އިންޑިއާ ސިފައިން އިއްޔެ ރާއްޖޭގެ މަސްދޯންޏަށް އެރި މައްސަލަ ފެންމަތިވީ އދ. މަހިބަދޫގެ މަސްދޯންޏެއް ކަމަށްވާ "އަސުރުމާ 3" ދޯންޏަށް އެރިކަން އެ ދޯނިން ހާމަކުރުމާ އެކީގަ އެވެ. އެ ދޯންޏަށް އިންޑިއާ ސިފައިން އެރީ ހއ. ތުރާކުނުގެ އިރުމަތިން 72 މޭލު ބޭރުގައި ބޮޑުކަންނެލީގެ މަސްވެރިކަން ކުރަމުން ދަނިކޮށެވެ.
މިކަމާ ގުޅިގެން ރޭ ދިވެހި މަސްވެރިންގެ ޔޫނިއަނުން ބުިނީ އިތުރު ދެ ދޯންޏަކަށް ވެސް އިންޑިއާ ސިފައިން އެރި ކަމަށެވެ.
މި މައްސަލާގައި ފިޝަރީޒް މިނިސްޓަރު އަހުމަދު ޝިޔާމު ކަންބޮޑުވުން ފާޅުކުރައްވާފައިވެ އެވެ.