މަޖިލިސް އިންތިހާބުގައި ވާދަކުރަން ދަ ޑިމޮކްރެޓްސް އިން ހުޅުވައިލުމުން އެއްވެސް މީހަކު ވާދަނުކުރި ދާއިރާތަކަށް ނަން ހުށައަޅަން އެ ޕާޓީން އަލުން ފުރުސަޔތު ހުޅުވާލައިފި އެވެ.
މަޖިލިސް އިންތިހާބުގައި 93 ދާއިރާއަށް ވާދަކުރުމަށް ދަ ޑިމޮކްރެޓްސް އިން ނިންމި އެވެ. އެކަމަކު ވެސް ވަނީ ނިންމާފައެވެ. ޓިކެޓް ހޯދުމަށް އެދި ހުށަހެޅީ 41 ދާއިރާއަކަށެވެ. އެ ޕާޓީން ބުނީ އެއްވެސް މީހަކު ކުރިމަތިނުލައި އޮތް 52 ދާއިރާ އިން ދާއިރާއަކަށް ކުރިމަތިލާން ބޭނުންވާ މީހުންނަށް އެ ފުރުސަތު މި މަހުގެ 6 ވަނަ ދުވަހުގެ އިރުއޮއްސި 6:00 އާ ހަމައަށް ހުޅުވާލާފައިވާ ކަމަށެވެ. އަދި އިލެކްޝަންސް ކޮމިޝަން (އީސީ) އިން ިއންތިހާބަށް ކުރިމަތިލާން ދީފައިވާ މުއްދަތަށް ބަލާ، ވާދަވެރި ޕްރައިމަރީއަކުން ޕާޓީގެ ޓިކެޓް ހަވާލުކުރާން އެކަށީގެންވާ ވަގުތު ނެތުމުން އެކަކަށް ވުރެ ގިނަ މީހުން ދާއިރާއަކަށް ކުރިމަތިލައިފި ނަމަ އެ ދާއިރާއަކަށް ވާދަކުރާނެ މީހަކު ކަނޑައަޅާނީ ޕާޓީ ރައީސްގެ ކައުންސިލުން ކަމަށް ވެސް ޑިމޮކްރެޓްސް އިން ބުންޏެވެ.
އެ ޕާޓީގެ ޕްރައިމަރީގައި ވާދަކުރުމުގެ ފުރުސަތު މިދިޔަ އާދީއްތަ ދުވަހު ހަމަވިއިރު، ޓިކެޓް ހޯދުމަށް އެދި ހުށަހެޅީ 41 ދާއިރާއަކަށް 46 ކެންޑިޑޭޓުންނެވެ. އަދި އެއް ކެންޑިޑޭޓަކަށް ވުރެ ގިނައިން ކުރިމަތިލީ އެންމެ ހަތަރު ދާއިރާއަކަށްކަމުން ޕްރައިމަރީ ބާއްވަނީ ވެސް އެ ދާއިރާތަކަށް އެކަންޏެވެ.
އަނެއް 37 ދާއިރާގެ ޓިކެޓް ވަނީ ކުރިމަތިލީ ކެންޑިޑޭޓުންނަށް ކަށަވަރުވެފަ އެވެ. ޕްރައިމެރީ ބާއްވާ ދާއިރާތަކަކީ ކެލާ ދާއިރާ، ކަނޑިތީމު ދާއިރާ، ހުޅުމާލެ ދެކުނު ދާއިރާ އަދި ހެންވޭރު ދެކުނު ދާއިރާ އެވެ.
ޑިމޮކްރެޓްސްގެ މަޖިލިސް ޕްރައިމެރީ އޮންނާނީ މާދަމާ އެވެ.