ރާއްޖެ އިން ޔޫރަޕަށް ބޭރުކުރާ މަހަށް ނަގާ ޑިއުޓީ ކުޑަކޮށް ދޭން ފޮރިން މިނިސްޓަރު މޫސާ ޒަމީރު ޔޫރަޕިއަން ޔޫނިއަން (އީޔޫ) ގައި އެދިވަޑައިގެންފި އެވެ.
މިނިސްޓަރު އިއްޔެ އެކަމަށް އެދިވަޑައިގެންނެވީ އީޔޫގެ މައި އޮފީސް ހުންނަ ބެލްޖިއަމްގެ ވެރިރަށް ބްރަސަލްސްގައި ކުރިއަށް ދިޔަ އީޔޫ އިންޑޯ-ޕެސިފިކް މިނިސްޓީރިއަލް ފޯރަމްގައި ވާހަަކަ ދައްކަވަމުންނެވެ. އެ ފޯރަމް ޒަމީރު ވިދާޅުވީ ރާއްޖޭގެ އަމިއްލަ ގާބިލްކަން އިތުރުކުރަން ބޭނުންވާ ކަމަށާއި އެކަން ކުރެވޭނީ ވިޔަފާރި އާއި އިންވެސްޓްމަންޓުގެ ހަމަހަމަ ފުރުސަތު ފަހިކޮށްދީގެން ކަމަށެވެ.
"އެކަން ހާސިލުކުރުމަށް އެންމެ މުހިންމީ ރާއްޖޭގެ މަހުގެ ބާވަތްތަކުން ޔޫރަޕިއަން ޔޫނިއަން އިން ނަގާ ޓެކްސް ކުޑަކޮށްނދިނުން." އޭނަ ވިދާޅުވި އެވެ.
ރާއްޖެ އިން ޔޫރަޕަށް އެތެރެކުރާ މަހަށް ޑިއުޓީގެ ގޮތުގައި 24 ޕަސަންޓް ނަގަން ފެށީ އެންމެ ކުޑަކޮށް ތަރައްގީވެފައިވާ ގައުމުތަކުގެ ލިސްޓުން ރާއްޖެ އުނިިކޮށް ތަަރައްގީވަމުން އަންނަ ގައުމަކަށް ރާއްޖެ ބަދަލުކުރުމާ އެކީގަ އެވެ. އެއީ 2013 ވަނަ އަހަރުން ފެށިގެންނެވެ. މިމައްސަލަ ހައްލުކުރުމަށް އެ އަހަރުން ފެށިގެން ރާއްޖޭގެ އެކި ސަރުކާރުން މިހާތަނަށް ގިނަ މަސައްކަތްތަކެއް ކުރި ނަމަވެސް އެކަން އޮތީ މިހާތަނަށް ކާމިޔާނުވެ އެވެ.
ރާއްޖޭގެ މަހަށް އީޔޫ އިން ނަގާ ކުޑަކޮށް ދިނުމާ މެދު އީޔޫ އިން ތަފާތު ޝަރުތުތަކެއްކުރެ އެވެ. ނަމަވެސް އިސްލާމީ ގައުމެއްގެ ހައިސިއްޔަތުން ރާއްޖެ އަށް އެ އެއްބަސްނުވެވޭ ކަންތައްތަކެއް އެ ޝަރުތަކުގެ ތެރޭގައި އެބަހުއްޓެވެ.