ރާއްޖޭގައި ވާއިދާ ހިލާފަށް ރާއްޖޭގައި އުޅެމުން އައި 173 ބިދޭސީއަކު އިމިގްރޭޝަނާ ހަވާލުކޮށްފި އެވެ.
ފުލުހުން ބުނީ އެ މީހުންނަކީ ފުލުހުންނާއި އިމިގްރޭޝަން ގުޅިގެން ހިންގި 13 އޮޕަރޭޝަނެއްގައި އަތުލައިތް މީހުން ކަމަށެވެ. މިގޮތަށް ހައްޔަރުކުރެވޭ މީހުންނަކީ، ހަށިވިއްކުމުގެ މަސައްކަތާއި އެ ނޫން ވެސް ކުށުގެ ވެށީގައި ޙަރަކާތްތެރިވަމުންދާ މީހުންކަމަށް ވެސް ފުލުހުން ބުންޏެވެ.
ގަވާއިދާ ހިލާފަށް އުޅެމުން ދަނިކޮށް އަތުލައިގަތް މީހުން އިމިގްރޭޝަނާ ހަވާލުކޮށްފައިވާ އިރު، އެ މީހުން ޑީޕޯޓްކުރާނެ ކަމަށް ފުލުހުން ބުންޏެވެ.
ރާއްޖޭގައި ގިނަ އަދަދަކަށް ބިދޭސީ މަސައްކަތްތެރިން އުޅޭ އިރު، މީގެ ތެރޭގައި ގަވައިދާ ހިލާފަށް އުޅޭ މީހުން ގިނަ އެވެ. ރާއްޖޭގައި އެންމެ ގިނައީ ބަންގްލަދޭޝްގެ މަސައްކަތްތެރިންނެވެ.
ގަވައިދާ ހިލާފަށް އުޅުނު ބިދޭސީންތަކެއް މީގެ ކުރިން ވެސް އެކި ފަހަރު މަތިން އަތުލައި ގަނެ، ޑީޕޯޓްކޮށްފައިވެ އެވެ.