ރާއްޖޭގެ އިގުތިސާދީ ހާލަތު ރަނގަޅުކޮށް، އެހީ ހޯދުމާ ގުޅޭ ގޮތުން ވޯލްޑް ބޭންކާ އެކީ އިކޮނޮމިކް މިނިސްޓަރު މުހައްމަދު ސައީދު މަޝްވަރާކުރައްވައިފި އެވެ.
މި މަޝްވަރާ ގައި ވޯލްޑް ބޭންކުގެ ސައުތު އޭޝިއާ ސަރަހައްދުގެ ނައިބު ރައީސް މާޓިން ރައިސާގެ އިތުރަށް، ވޯލްޑް ބޭންކުގެ ރާއްޖޭގެ ކަންޓްރީ ޑިރެކްޓާ ފާރިސް އެޗް. ޙަދާދް ޒާވޯސް ބައިވެރިވެވަޑައިގެންނެވި އެވެ. އެގޮތުން ބައްދަލުވުމުގައި ރާއްޖޭގެ އިގުތިސާދޫ ހާލަތު އިތުރަށް ރަނގަޅުކޮށް، ފުޅާކުރުމަށް ރައީސް ޑރ. މުހައްމަދު މުޢިއްޒު ގެންގުޅުއްވާ ވިސްނުންފުޅުތަކާއި ތަންފީޒު ކުރައްވަމުން ގެންދަވާ ސިޔާސަތުތަކާ ގުޅޭ ގޮތުން މަޝްވަރާކުރި އެވެ.
މިނިސްޓަރު ސައީދު ވިދާޅުވީ އިގުތިސާދު ސިންދަފާތު ކުރުމަށާއި، ޓޫރިޒަމް ދާއިރާގެ ވިލުންތެރިކަން އިތުރުކޮށް ރާއްޖޭގެ މާލީ ހާލަތާއި އަދި އިގުތިސާދީ ހަރުދަނާ ކުރުމަށް ސަރުކާރުން ކުރަމުން އަންނަ ދާ މަސައްކަތްތަކާ ގުޅޭ ގޮތުން ވޯލްޑް ބޭންކާ އެކީ ވަރަށް ބޮޑަށް މަޝްވަރާ ކުރެވުނު ކަމަށެވެ.
އެގޮތުން އެ ބައްދަލުވުމުގައު ވަނީ ރާއްޖޭގައި ޑިވެލޮޕްމެންޓު ބޭންކެއް ގާއިމު ކުރަން ނިންމާފައިކަން ހިއްސާކޮށް، އެކަމާ ބެހޭ މުހިއްމު މައުލޫމާތުތަކެއް ވެސް ވޯލްޑް ބޭންކަށް ދޫފަ އެވެ.