ކުޅުދުއްފުށީގައި އަލަށް ޓެކްސީގެ ހިދުމަތަށް ނުކުންނަން ބޭނުންވާ ޑްރައިވަރުންނާއި މިހާރު ވެސް އެ ހިދުމަތުގައި ޑްރައިވަރުން ތާޒާކުރުމުގެ ޕްރޮގްރާމެއް ފުލުހުން ހިންގައިފި އެވެ.
ވަކިވަކިން ކުރިއަށް ގެންދިޔަ ދެ ޕްރޮގްރާމްގެ ތެރެއިން ޓެކްސީ ޑްރައިވަރުންގެ ތަމްރީނުގައި 21 މީހަކު ބައިވެރިވި އިރު، ޑްރައިވަރުންގެ ތާޒާ ޕްރޮގްރާމްގައި 31 ޑްރައިވަރަކު ބައިވެރިވި އެވެ.
ކުޅުދުއްފުށި ޕޮލިހާއި ރޯޑް ޕޮލިސް ގުޅިގެން ކުރިއަށް ގެންދިޔަ ޕްރޮގްރާމްގައި، އެއްގަމު ދަތުރުފަތުރުގެ ގާނޫނާއި ގަވާއިދުތަކާ ގުޅޭގޮތުން މައުލޫމާތު ދީފައިވެ އެވެ. އަދި އެކްސިޑެންޓްތަކާއި މަގުމަތީގައި ދިމާވާ އެކި މައްސަލަތައް ހައްލުކުރުމުގައި ޓެކްސީ ޑްރައިވަރުންގެ ދައުރާ ގުޅޭގޮތުންނާއި އެފަދަ ހާލަތްތަކުގައި ޑްރައިވަރުންގެ އަމަލުތައް ބަހައްޓަންވީ ގޮތާ ގުޅޭ ގޮތުން ވެސް މައުލޫމާތު ދީފައިވެ އެވެ.
މީގެ އިތުރުން ޓެކްސީ ގަވާއިދަށް އަލިއަޅުވާލައި އޭގައިވާ މުހިންމު ކަންކަމާ ގުޅޭ ގޮތުން ވެސް މައުލޫމާތު ދީފައިވެ އެވެ.
ކުޅުފުއްފުއްޓަކީ ރާއްޖޭގެ އެންމެ ބައިބޯ އެއް ސިޓީ އެވެ.