ފުލުހުންގެ ޚިދުމަތުގެ ކުރިއަށް އޮތް ފަސް އަހަރުގެ ސްޓްރެޓެޖިކް ޕްލޭން އެކުލަވާލުމަށް ރައްޔިތުންގެ ހިޔާލު ހޯދުމަށް ބާއްވަމުން އަންނަ ސިލްސިލާ "ކޮމިއުނިޓީ ފޯރަމް" އައްޑޫގައި ވެސް ބާއްވައިފި އެވެ.
އައްޑޫގައި މި ފޯރަމް ބޭއްވީ އިއްޔެ އެވެ. އެއީ ގަމުގެ އީކްއޭޓަ ވިލެޖްގެ ބްލޫ ލެގުންގަ އެވެ. މި ފޯރަމްގައި އައްޑޫ ސިޓީ ކައުންސިލާއި އެކި އޮފީސްތަކާއިި ކުންފުނިތަކާއި ސްކޫލްތަކާއި ޖަމިއްޔާ ޖަމިއްޔާތަކުންނާއި ވިޔަފާވެރިންނާއި ކަމޮށިވެގެންވާ ފަރާތްތަކުން ބައިވެރިވެފައިވެ އެވެ.
ފޯރަމްގައި މުޖުތަމައުގައި މިހާރު ހުރި ރައްޔިތުންގެ ކަންބޮޑުވުންތަކާއި، މައްސަލަތަކާ ބެހޭގޮތުން މަޝްވަރާކޮށް ރައްޔިތުންގެ ހިޔާލު ހޯދައި ޚިދުމަތްތައް ފޯރުކޮށް ދިނުމުގައި ހުރި ގޮންޖެހުންތަށް ދެނެގަނެ، ފުލުހުންނާއި ރައްޔިތުން ގުޅިގެން ރަނގަޅު ޚިދުމަތްތަކެއް ފޯރުކޮށް ދޭނެ ގޮތްތަކާ ބެހޭ ގޮތުން ހިޔާލު ބަދަލުކޮށް މަޝްވަރާކޮށްފައިވެ އެވެ.
މީގެ އިތުރުން، ފުލުހުންގެ ޚިދުމަތް ރައްޔިތުންނާ ގާތުން ފޯރުކޮށް ދިނުމަށްޓަކައި ގާއިމުވެެފައި ހުރި އުސޫލުތަކާއި ސިޔާސަތުތައް އަދި ކުރެވެމުން އަންނަ މަސައްކަތްތަކާ ގުޅޭ ގޮތުން ފޯރަމުގެ ބައިވެރިންނަށް މައުލޫމާތުދީ މަޝްވަރާކޮށްފައިވެ އެވެ.
ފުލުހުންގެ "ކޮމިއުނިޓީ ފޯރަމް" އަންނަނީ ރާއްޖޭގެ އެކި ހިސާބުތަކުގައި ބާއްވަމުންނެވެ.