ގައުމީ ޔުނިވާސިޓީގައި މެރިޓައިމް ކޯސްތަައް ހިންގުމަށް ހާއްސަކޮށްގެން ހަދަން ފެށި ސެންޓަރުގެ މަސައްކަތް ނިންމާލައިފި އެވެ.
އެ މަސައްކަތުގެ ކޮންޓްރެކްޓަރަކީ އެމްޓީސީސި އެވެ. މީގެ ދެއަހަރު ކުރިން ފެށި މަސައްކަތް ނިމުމާ ގުޅިގެން އެ ކުންފުނިބް ބުނީ މެރިޓައިމް ސަވައިވަލް ސެންޓަރުގެ މަސައްކަތް އެއްކޮށް މިހާރު ނިމިފައިވާ ކަމަށެވެ
އެމްޓީސީސީއާ އެ މަޝްރޫއު ހަވާލު ކުރީ ޑިސެމްބަރު 22، 2021 ގަ އެވެ. އެއީ 6 މިލިއަން ރުފިޔާއަށެވެ.
މެރިޓައިމް ސަރވައިވަލް ސެންޓަރ އިމާރާތް ކުރުމުގެ މަޝްރޫޢުގެ މަސައްކަތް ނިމިއްޖެ
ްޕްރެސް ރިލީޒް:https://t.co/kMFPmi4gA1 pic.twitter.com/SyEu8iUE5E
— MTCC Plc (@MTCCPlc) February 5, 2024
މެރިޓައިމް ސަވައިވަލް ސެންޓަރަކީ އިންޓަނޭޝަނަލް މެރިޓައިމް އޯގަނައިޒޭޝަނުން ހަދާފައިވާ އިންޓަނޭޝަނަލް ކޮންވެންޝަން އޮން ސްޓެންޑާޑްސް އޮފް ޓްރެއިނިން ސެޓިފިކޭޝަން އެންޑު ވޮޗްކީޕިން ފޯ ސީފެއާރާސްގެ ދަށުން ބޯޓު ފަހަރަށް ދަތުރު ކުރަން ދާ މީހުން ހަދަން ޖެހޭ ބޭސިކް ކޯސްތައް ހެދުމަށްޓަކައި އެމްއެންޔޫ އިން ހެދި ތަނެކެވެ. ޔުނިވަސިޓީން ބުނީ މި ސެންޓަރުގެ ސަބަބުން ދިވެހި ސީމަނުންނަށް ކަނޑުމަތީ ގެ ރައްކާތެރިކަމާއި ސަލާމަތަށް ބޭނުންވާ ގިނަ ޕްރޮފިޝަން ސީ ކޯސްތަކެއް ހިންގުމުގައި ވަރަށް ބޮޑު ފަސޭހަތަކެއް ލިބިގެން ދާނެ ކަމަށެވެ.
އެތަނުން ބުނީ ސެންޓަރުގެ ސަބަބުން ކޯސްތައް ސްޓެންޑަޑައިޒް ކުރެވި ތަމްރީން ކުރެވޭ ސީމަނުންގެ ފެންވަރު އިތުރަށް ރަނގަޅުވާނެ ކަމަށެވެ.