ރައީސްކަމުގެ ހުވާކުރެއްވި ފަހުން ރައީސް ޑރ. މުހައްމަދު އަތޮޅުތެރެއަށް ކުރައްވާ ފުރަތަމަ ރަސްމީ ދަތުރުގައި މިއަދު ތ. އަތޮޅަށް ފުރާވަޑައިގެންފި އެވެ.
ރައީސްގެ މި ދަތުރުގައި ފުރަތަމަ ވަޑައިގެންނެވުމަށް ހަމަޖެހިފައި ވަނީ ގުރައިދުއަށެވެ. އެ ރަށަކީ ރިޔާސީ އިންތިޚާބުގައި ރައީސަށް އެންމެ މަތީ ޕަސަންޓަކަށް ވޯޓް ލިބިވަޑައިގަތް ރަށެވެ.
ރައީސްގެ މި ދަތުރުގައި ތ. އަތޮޅުގެ އެކި ރަށްރަށަށް ވަޑައިގެންނެވުމަށް ހަމަޖެހިފައިވާ އިރު އެ ރަށްރަށުގެ ރައްޔިތުންނާ ބައްދަލުކުރައްވައި އަދި އެރަށްރަށުގެ ކައުންސިލްތަކާއި އަންހެނުންގެ ތަރައްގީ އަށް މަސައްކަތްކުރާ ކޮމެޓީތަކާ ވެސް ބައްދަލު ކުރައްވާނެ އެވެ. އަދި ރަށްރަށުގެ ތަރައްގީ އަށް އެންމެ މުހިންމު މަޝްރޫއުތަކާއި އެ ރަށްރަށުގެ ރައްޔިތުންނަށް އެންމެ ބޭނުންވެފައިވާ ކަންކަމާ ގުޅޭ ގޮތުން މަޝްވަރާ ކުރައްވާނެ އެވެ.
މި ދަތުރުގައި އެ މަނިކުފާނުގެ އަރިހުގައި ސަރުކާރުގެ މަތީ ފަންތީގެ ވަފުދެއް ބައިވެރިވެވަޑައިގަންނަވަ އެވެ.
ޑރ. މުއިއްޒު ވެރިކަމުގެ ހުވާކުރެއްވީ މިދިޔަ ނޮވެމްބަރު މަހުގެ 17 ގަ އެވެ. އަދި އެ މަނިކުފާނުގެ ފުރަތަމަ ރިޔާސީ ބަޔާން ދެއްވީ އިއްޔެ އެވެ. އޭގައި ގައުމުގެ ތަރައްގީ އަށް ރާވާފައިވާ ގިނަ ކަންކަން ހިއްސާކުރެއްވި އެވެ.