ތިން ގައުމަކަށް ސަފީރުން އައްޔަނު ކުރުމަށް ރައްޔިތުންގެ މަޖިލީހަށް މިއަދު ނަންތައް ފޮނުއްވައިފި އެވެ.
ރައީސް ޑރ. މުހައްމަދު މުއިއްޒު ފޮނުއްވި ނަންތައް މަޖިލީހުގެ ތަޅުމުގައި އިއްވުމަށް ފަހު ދިރާސާ ކުރުމަށް ހާރިޖީ ގުޅުންތަކުގެ ކޮމިޓީއަށް ވަނީ ފޮނުވައިފަ އެވެ. އެ ނަންތަކަކީ ސްރީ ލަންކާގެ ސަފީރަކަށް މަސްއޫދު އިމާދު މެލޭޝިއާގެ ސަފީރަކަށް ޑރ. މަރިޔަމް ޝަބީންގެ އތުރުން އަދި ބެލްޖިއަމް އަދި ޔޫރަޕިއަން ޔޫނިއަން އަށް ގީލާ އަލީ އެވެ.
މަސްއޫދަކީ ކުރީގެ ރައީސް ޑރ. މުހައްމަދު ވަހީދުގެ ސަރުކާރުގައި ރައީސް އޮފީހުގައި މީޑިއާ ސެކްރެޓަރީ އެވެ. ގީލާ އަކީ މިހާރު ވެރިކަން ކުރާ ޕާޓީ، ޕީއެންސީގެ ސެކްރެޓަރީ ޖެނެރަލްގެ މަގާމު އަދާކުރެއްވި ބޭފުޅެކެވެ. ކުރީގެ ރައީސް އަބްދުالله ޔާމީންގެ ވެރިކަމުގައި އޭނަ ހެލްތު މިނިސްޓްރީގެ ޕާމަނަންޓް ސެކްރެޓަރީކަމާއި އެޑިޝަނަލް ސެކްރެޓަރީގެ މަގާމު ވެސް ފުރުއްވި އެވެ.