ރޯދަ މަހާ ދިމާކޮށް އެސްޓީއޯ އިން ބާއްވަމުން އަންނަ ކޮންސްޓްރަކްޝަން ސޮލިއުޝަންސްގެ "ރަމަޒާން ބާޒާރު" ޕްރޮމޯޝަން ފަށައިފި އެވެ.
މި ޕްރޮމޯޝަން އޭޕްރިލް 11 އާ ހަމައަށް ކުރިއަށް ގެންދާނެ އެވެ. ޕްރޮމޯޝަން ކުރިއަށް ދާނީ އެސްޓީއޯގެ މަކިޓާ ޝޯރޫމް، އެސްޓިއޯ ކޮންސްޓްރަކްޝަން ސޮލިއުޝަންސް ޝޯރޫމާއި ލ. ފޮނަދޫގެ ފިހާރައިގަ އެވެ. ޕްރޮމޯޝަންގައި އެސްޓީއޯ އިން ވިއްކާ ޕްރޮޑަކްޓުތަކުން 50 ޕަސެންޓާ ހަމައަށް ޑިސްކައުންޓް ލިބޭނެ އެވެ.
އެސްޓީއޯ "ރަމަޒާން ބާޒާރު" ގައި ކޮންމެ 500ރ. ގެ ވިޔަފާރިއަކަށް ޑިޖިޓަލް ކޫޕަނެއް ލިބޭނެ އެވެ. އަދި ކޫޕަން ލިބޭ ފަރާތްތަކުގެ މެދުގައި ރޯދަ މަސްނިމުމުން ގުރުއަތު ނަގާނެ އެވެ.
ޕްރޮމޯޝަންގެ އިނާމުތައް:
މި ލަކީޑްރޯ އިން އެއްވަނަ އަށް ހޮވޭ ފަރާތަކަށް 50،000ރ. ގެ މުދަލުގެ ގިފްޓް ވައުޗާ އެސްޓިއޯ ކޮންސްޓްރަކްޝަންސް ސޮލިއުޝަންސް އިން ލިބޭނެ އެވެ. މީގެ އިތުރުން ހަ ނަސީބުވެރިއަކަށް 50،000ރ. ގެ މުދާ އެސްޓީއޯގެ ކޮންސްޓްރަކްޝަންސް ސޮލިއުޝަންސްގެ އައުޓްލެޓްތަކުން ބައްލަވައި ގަނެވޭނެ އެވެ. އެގޮތުން ސިމެންތި، ހިލަ، ހިލަވެލި، އަދި ނިޕޯން ޕެއިންޓް ފަދަ އާންމުކޮށް ކޮންސްޓްރަކްޝަން އިންޑަސްޓްރީގައި ބޭނުންކުރާ ބާވަތްތައް ވެސް އިނާމު ލިބޭ ނަސީބުވެރިންނަށް ނެގިދާނެ އެވެ.
ނިޕޯން ޕެއިންޓަކީ ސިންގަޕޫރްގެ އެއް ނަމްބަރު ޕެއިންޓް ބްރޭންޑެވެ އެސްޓީއޯ އަކީ ނިޕޯން އަދި މަކިޓާގެ ރާއްޖޭގެ އޮތޮރަޒައިޑް ޑިސްޓްރިބިއުޓަރެވެ.