ސްޓެލްކޯ ޚިދުމަތްދޭ ސަރަހައްދުތަކުގައި ހުރި މިސްކިތްތަކުގައި ސޯލާ ޕެނަލް ހަރުކުރުމަށް އިސްލާމިކް މިނިސްޓްރީއާއި ސްޓެލްކޯއިން މަޝްވަރާ ކޮށްފިއެވެ.
އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު އަދި ސްޓެލްކޯގެ މެނޭޖިންގް ޑިރެކްޓަރ ހުސެއިން ފަހުމީ ވަނީ ބައްދަލުކޮށްފައެވެ. މި ބައްދަލުވުމުގައި ސްޓެލްކޯގެ އިސްވެރިންނާއި އިސްލާމިކް މިނިސްޓްރީގެ އިސްވެރިން ވަނީ ބައިވެރިވެވަޑައިގެންފައެވެ.
މެނޭޖިންގ ޑިރެކްޓަރ @u09HussainFahmy މިއަދު ވަނީ މިނިސްޓަރ އޮފް އިސްލާމިކް އެފެއާޒް، @Mohamedshaheem1 އާއި ބައްދަލުކުރައްވާފައި. މި ބައްދަލުކުރެއްވުމުގައި މިނިސްޓަރ ޝަހީމް ވަނީ މިސްކިތްތަކާއި ދީނީ އެކިއެކި މުއައްސަސާތަކުގައި ސޯލާ ޕެނަލް ހަރުކުރުމާއި މިނިސްޓްރީއަށް ފަންނީ އެހީ… pic.twitter.com/RPqWJBRLBs
— STELCO (@STELCOMALDIVES) February 7, 2024
މިއަދު ބޭއްވުނު މަޝްވަރާ ބައްދަލުވުމުގައި، ސްޓެލްކޯ ޚިދުމަތްދޭ ސަރަހައްދުތަކުގައި ހުރި މިސްކިތްތަކާއި ދީނީ އެކި މުޢައްސަސާތަކުގައި ސޯލާ ޕެނަލް ހަރުކުރުމާއި ގުޅޭގޮތުން ވަނީ މަޝްވަރާކޮށްފައެވެ. މީގެ އިތުރުން ސްޓެލްކޯ ޚިދުމަތްދޭ ދައިރާގެ ތެރެއިން އިސްލާމިކް މިނިސްޓްރީއަށް ފަންނީ އެހީތެރިކަން ފޯރުކޮށްދީ އެއްބާރުލުން ދިނުމަށް ވަނީ މަޝްވަރާ ކުރެވިފައެވެ.
ސްޓެލްކޯއާއި އެކު މިސްކިތްތަކުގައި ސޯލާ ހަރުކުރުމަށް މަޝްވަރާ ކުރެވުނުއިރު، އަލަށް ހަދާ މިސްކިތްތަކުގައި ސޯލާ ހަރުކުރުމަކީ އަސާސީ ކަމަކަށް ހެދުމަށް އިސްލާމިކް މިނިސްޓްރީން ވަނީ ނިންމާފައެވެ.
ސްޓެލްކޯއާއި އިސްލާމިކް މިނިސްޓަރ ޑރ. ޝަހީމް ބައްދަލު ކުރައްވާފައިވާއިރު، މާލެ ސަރަހައްދުގެ އިތުރުން ސްޓެލްކޯއިން ރާއްޖޭގެ ބައެއް އަތޮޅުތަކުގެ ރަށްތަކަށް މިހާރުވެސް ޚިދުމަތް ކަރަންޓު ޚިދުމަތް ފޯރުކޮށްދެއެވެ.