ފޭދޫ ދާއިރާގެ ކުރީގެ މަޖިލިސް މެންބަރު އަލްހާން ފަހުމީ ހިއްސާވެ ހިންގަމުން އަންނަ އޮންލައިން ޓްރޭޑިން، ކިންގްސް ކެޕިޓަލްގައި އިންވެސްޓްކުރި ދެ މީހަކަށް، މިލިއަނެއްހާ ރުފިޔާ ދައްކަން، އެ ކުންފުނީގެ މައްޗަށް ސިވިލް ކޯޓުން އިއްޔެ ހުކުމްކޮށްފިއެވެ.
ކިންގްސް ކެޕިޓަލަށް ކުންފުންޏަށް އިންވެސްޓްކުރި އެކަކަށް ގާތްގަނޑަކަށް 800،000ރ. ރުފިޔާ ދައްކަން ހުކުމްކުރި އިރު އަނެއް މީހާ އަށް ގާތްގަނޑަކަށް 250،000ރ. ރުފިޔާ ދެއްކުމަށް ހުކުމްކޮށްފައިވެ އެވެ.
ކިންގްސް ކުންފުނިން ހިންގި ޕޮންޒީ ސްކީމްގައި މީގެ ގިނަ ބަޔަކު ބައިވެރިވެފައިވެ އެވެ. ގިނަ ބަޔަކު ފައިސާ އިންވެސްޓްކޮށްފައި ވަނިކޮށް 2022 ވަނަ އަހަރުގެ މާޗް މަހުގައި އެ ކުންފުނީގެ އެކައުންޓްތައް ވަނީ ހިފަހައްޓައިފައެވެ. ކިންގްސް ކެޕިޓަލްއާއި ދެކޮޅަށް ހިންގި ޖިނާއީ ތަހުގީގާއި ގުޅިގެން އެ ކުންފުންޏަށް އިންވެސްޓްކުރި ވަރަށް ގިނަ ބައަކަށް ފައިސާ އަނބުރާ ލިބިފައެއް ނުވެ އެވެ.
ފުލުހުން ތުހުމަތުކޮށްފައިވާ ގޮތުގައި ކިންގްސް ކެޕިޓަލްއިން މާލީ ސެކިއުރިޓީގެ ގާނޫނާއި ގަވާއިދުތަކާ ހިލާފަށް ފައިސާ ހޯދައި އެ ފައިސާ ލޯންޑަކޮށްފައިވެވެ އެވެ.
ނަމަވެސް އަލްހާން ތުހުމަތުތައް ދޮގުކުރައްވަ އެވެ.