ޗީފް އޮފް ޑިފެންސް ފޯސް، ލެފްޓިނެންޓް ޖެނެރަލް ޢަބްދުއްރަޙީމް ޢަބްދުއްލަޠީފް، ރަސްމީ ދަތުރެއްގައި ސްރީ ލަންކާ އަށް ފުރާވަޑައިގެންފިއެވެ.
އެ ގައުމުގެ ޑިފެންސް ސާވިސަސް ކޮމާންޑް އެންޑް ސްޓާފް ކޮލެޖުގެ ޝަރަފުވެރި ގްރެޖުއޭޓެއް ކަމަށްވާ ޢަބްދުއްރަޙީމް ޢަބްދުއްލަޠީފް، ލަންކާ އަށް އިއްޔެ ވަޑައިގެންނެވީ، އެ ކޮލެޖުގެ ކޮމަޑާންޓް، މޭޖަ ޖެނެރަލް ލަސަންތާ ރޮޑްރިގޯގެ ދައުވަތަކަށެވެ. މި ދަތުރުފުގައި، އެމަނިކުފާނުގެ ލީޑަޝިޕާއި ދިފާޢީ ދާއިރާއަށް ކޮށްދެއްވަމުންގެންދަވާ ނަމޫނާ ޚިދުމަތްތަކުގެ އަގުވަޒަން ކުރެއްވުމުގެ ގޮތުން، ޝަރަފުގައި މިއަދު ބޭއްވުމަށް ހަމަޖެހިފައިވާ ޚާއްޞަ ރަސްމިއްޔާތެއްގައި ބައިވެރިވެވަޑައިގެންނެވުމަށް ހަމަޖެހިފައިވެ އެވެ.
އަބްދުއްރަހީމްގެ މި ދަތުރުގައި، ލަންކާގެ އަސްކަރީ ލީޑަޝިޕްގެ ބޭފުޅުންނާ ބައްދަލުކުރައްވައި، ދެ ޤައުމުގެ ގުޅުން އިތުރަށް ބަދަހިކުރެއްވުމަށާއި، ދިފާޢީ ދާއިރާއާ ގުޅޭގޮތުން މަޝްވަރާކުރައްވާނެ އެވެ. އަދި، ދެ ޤައުމުގެ މަސްލަހަތު ހުރި އެކި ދާއިރާތަކާއި، އިސްތިރާޖީ ގުޅުން ވަރުގަދަކޮށް، ދެ ޤައުމުގެ ސިފައިންގެ މެދުގައި އެއްބާރުލުން އިތުރުކުރުމާ ގުޅޭ ގޮތުން ވެސް މަޝްވަރާކުރެއްވުމަށް ހަމަޖެހިފައިވެ އެވެ.
ޗީފް އޮފް ޑިފެންސް ފޯސްގެ މި ދަތުރުގެ ސަބަބުން ރާއްޖެ އާއި ލަންކާގެ އަސްކަރިއްޔާއާ ދެމެދު އޮތް ޒަމާންވީ އެކުވެރިކަމާއި، ދިފާޢީ އަދި ސަލާމަތީ ކަންކަމުގައި އެއްބާރުލުމާއި ގުޅުން ބަދަހިވެގެންދާނެ ކަމަށް އެމްްއެންޑީއެފުން ބުންޏެވެ.