މި އަހަރު ބާއްވަން ހަމަޖެހިފައިވާ ރައްޔިރުންގެ މަޖިލިސް އިންތިހާބުގައި ވާދަކުރަން މިހާތަނަށް 11 މީހަކު ފޯމް ހުށަހަޅައިފި އެވެ.
އިލެކްޝަން ކޮމިޝަން އީސީ) އިން ބުނީ އިއްޔެގެ ނިޔަލަށް ފޯމް ހުށަހެޅި 11 މީހަކު ކަމަށެވެ. އެއީ، އަމިއްލަ ގޮތުން ވާދަކުރަން ހުށަހެޅި ހަ މީހަކާއި އެމްޑީއޭގެ ތިން މީހަކާއި ޕީއެންސީ ދެ މީހެކެވެ.
އީސީގެ ނައިބު ރައީސް އިސްމާއީލް ހަބީބް މިއަދު ވިދާޅުވީ އެ 11 މީހުންގެ ތެރެއިން އެއް ހުށަހެޅުން ބަލައިނުގަންނަ ކަމަށެވެ.
މިހާތަނަށް އީސީ އަށް ހުށަހެޅީ ގަމު ދާއިރާ އަށާއި، ނިލަންދޫ ދާއިރާއަށް އަމިއްލަ ގޮތުން ކުރިމަތިލި ދެ ކެންޑިޑޭޓަކާއި ހިތަދޫ އުތުރު ދާއިރާ އަަށް ހުށަހެޅި ދެ ހުށަހެޅުމަކާއި އެމްޑީއޭގެ ފަރާތުން މީދޫ އާއި ވެލިދޫ ދާއިރާ އަަށް ވާދަކުރަންށް ހުށަހެޅި ދެ ހުށަހެޅުމަކާއި، މައްޗަންގޯޅި މެދު ދާއިރާ އާއި ކޮލަމާފުށި ދާއިރާ އާއި ވެލިދޫ ދާއިރާ އާއި ބާރަށު ދާއިރާގެ އިތުރުން ހޮޅުދޫ ދާއިރާއަށެވެ.
މަޖިލިސް އިންތިހާބަށް ވާދަކުރަން އީސީން ހުޅުވީ މިދިޔަ މަހުގެ 30 ގަ އެވެ. އެކަމަށް ދިން ސުންގަޑި މި މަހުގެ 14 އަށް ހަމަވާނެ އެވެ.
މަޖިލިސް އިންތިހާބު އަންނަ މަހުގެ 17 ގައި ބާއްވަން ތާވަލުކޮށްފައި ވަނިކޮށް ރޯދަ މަސް ނިމޭތާ 10 ދުވަސް ފަހުން އިންތިހާބު ބާއްވަން ރައްޔިތުންގެ އިންތިހާބުތަކާ ބެހޭ އާއްމު ގާނޫނަށް ހުށަހެޅި އިސްލާހު ފާސްކުރަން ވަގުތީ ކޮމިޓީން އިއްޔެ ފާސްކޮށްފައިވެ އެވެ.
ވިހި މަޖިލީހަށް 93 މެންބަރުން އިންތިހާބު ކުރާނެ އެވެ.