ދެވަނަ އަށް އެންމެ ގިނަ ޓޫރިސްޓުން އިޓަލީން

ރާއްޖެ އަށް ދެވަނަ އަށް މިހާރު އެންމެ ގިނަ ޓޫރިސްޓުން އަންނަ ގައުމަކަށް އިޓަލީވެއްޖެ އެވެ.

އެ ގައުމަކީ އާންމުކޮށް ރާއްޖޭގެ ގަދަ 10 މާކެޓްގެ ތެރޭގައި އޮންނަ ގައުމެކެވެ. އަދި އިޓަލީ އަކީ ޔޫރަޕްގެ ގައުމުތަކުގެ ތެރެއިން ރާއްޖެ އެންމެ ގިނަ ޓޫރިސްޓުން އަންނަ އެއް ގައުމެވެ.

ގަދަ 10 ގެ ދެވަނަ އަށް އިޓަލީ އެރީ ކުރިން އެއް ވަނައިގައި އޮތް ރަޝިއާ ފަހަތަށް ޖައްސާލައި ޗައިނާ އަށް އެއްވަނަ އަށް އަރާފައި ވަނިކޮށެވެ. އަދި އިޓަލީ މިހާރު މި ވަނީ ރަޝިއާ ތިން ވަނަ އަށް ވައްޓާލައިފަ އެވެ. މިދިޔަ އަންގާރަ ދުވަހާ ހަމައަށް ރަޝިއާ އިން ރާއްޖެ އަށް ޖުމްލަ 23،749 ޓޫރިސްޓުން އައިސްފައިވެ އެވެ.

ޗައިނާ އިން އަދަދު ޗައިނާ 28،304 ގައި އުޅޭ އިރު، ރަޝިއާ އިން އައިސްފައި ވަނީ 23،399 ޓޫރިސްޓުންނެވެ.

މިދިޔަ އަންގާރަ ދުވަހާ ހަމައަށް ރާއްޖެ އަށް ޖުމްލަ 236،730 ޓޫރިސްޓުން އައިސްފައިވެ އެވެ.

ގަދަ 10 ގައި މިހާރު ހިމެނޭ ގައުމުތަކަށް ބަލާ އިރު އިނގިރޭސިވިލާތުން (19،897 ޓޫރިސްޓުން)، އިންޑިއާ އިން (17،794 ޓޫރިސްޓުން) ޖަރުމަނުން (14،558 ޓޫރިސްޓުން)، ފްރާންސް އިން (8،302 ޓޫރިސްޓުން)، އެމެރިކާ އިން (7،997 ޓޫރިސްޓުން) ޕޮލެންޑުން (6،629 ޓޫރިސްޓުން) އަދި ސްވިޓްޒަލޭންޑުން (5،130 ޓޫރިސްޓުން) އައިސްފައިވެ އެވެ.

ރާއްޖެ އަށް މި އަހަރު 2.3 މިލިއަން ޓޫރިސްޓުން ގެންނަން އޮތީ އަމާޒު ހިފައިފަ އެވެ. މިދިޔަ އަހަރު 1.8 މިލިއަން ޓޫރިސްޓުން އަ އެވެ. އަދި އެންމެ ގިނަ ޓޫސްޓުން އައީ އިންޑިއާއިންނެވެ.

ރާއްޖެ އަށް މިހާރު އެވަރެޖްކޮށް ދުވާލަކު 6،398 ޓޫރިސްޓުން އާދެ އެވެ