މޯލްޑިއަންގެ ސީ ޕްލޭން ޕައިލެޓަކަށް ކާށިދޫ ދާއިރާގެ މަޖިލިސް މެންބަރު އަބްދުﷲ ޖާބިރު މަރުގެ އިންޒާރު ދިން މައްސަލަ ފުލުހުންނަށް ހުށަހަޅައިފި އެވެ.
އެ މައްސަލަ މޯލްޑިވިއަން އޮޕަރޭޓްކުރާ އައިލޭންޑް އޭވިއޭޝަން ސާވިސެސް އައިއޭއެސް) އިން ފުލުހުންނަށް ހުށަހެޅުމާ ގުޅިގެން މައްސަލަ މިހާރު އަންނަނީ އިތުރަށް ތަހުގީގު ކުރަމުންނެވެ. ނަމަވެސް މިކަމާ ގުޅޭ ގޮތުން ފުލުހުން ވަކި އެއްޗެއް ނުބުނެ އެވެ.
ޖާބިރުގެ މައްސަލަ ފުލުހުންނަށް ހުށަހެޅި އޭނަ ޕައިލެޓާ ވަރަށް ހުތުރު ބަހުން މުއާމަލާތްކޮށް ބިރު ދެއްކި މަންޒަރު ފެންނަ ވީޑިއޯއެއް އިއްޔެ އާންމުވުމާ ގުޅިގެންނެވެ. އެ ވީޑިއޯ ސޯޝަލް މީޑިއާގައި ދައުރުވެފައިވެ އެވެ.
ޖާބިރުގެ އަމަލާ ގުޅިގެން މޯލްޑިވިއަނުން ވަނީ އަށް އޭނަ އަށް ދެން އެއާލައިނުގައި ދަތުރުކުރަން ފުރުސަތު ދިނުމާ މެދު ވިސްނަމުންނެވެ.
ކުރީގެ އެޓާނީ ޖެނެރަލް ދިޔާނާ ސައީދުގެ ކުރީގެ ފިރިކަލުން ޖާބިރުގެ ފަރާތުން އާންމު މިންގަނޑާ ހިލާފު ބޭއަދަބީ އަމަލުތައް ތަކުރާރުވަމުންދާތީ މީގެ ދެ ދުވަސް ކުރިން އެމްޑީޕީން ވަނީ ކާށިދޫ ދާއިރާގެ ޓިކެޓް އޭނަގެ އަތުން އަތުލައި، ޕާޓީން ވެސް ވަކިކޮށްފަ އެވެ.