ބޭންކް އޮފް މޯލްޑިވްސް (ބީއެމްއެލް) ގެ ނަމުގައި އަނެއްކާވެސް ފޭކް މެސެޖެއް ދައުރުވަމުން ދާތީ ސަމާލުވާން އެދިއްޖެ އެވެ.
މިކަން ހިއްސާކޮށް ގައުމީ ބޭންކުން ބުނީ "ބީއެމްއެލް އެލާޓް" ފޮނުވާ ސްކޭމް މެސެޖްގައި ޓްރާންސެކްޝަނެއްގެ ސަބަބުން އެކައުންޓު ލިމިޓްވެފައިވާ ކަމަށާއި އެކައުންޓު ރީ_އެކްޓިވޭޓުކުރަން ވަންނަން ލިންކެއް ހިމަނާފައިވާ ކަމަށެވެ.
މިކަމާ ގުޅިގެން ބީއެމްއެލް ބުނީ އެއްވެސް ލިންކަކަށް ވަނުމަށް އެދި މެސެޖުނުކުރާނެ ކަމަށާއި މިހާރު ދައުރުކުރާ މެސެޖީ ބީއެމްއެލްގެ މެސެޖެއް ނޫން ކަމަށެވެ.
މީގެ ކުރިން ވެސް ބީއެމްއެލްގެ ނަމުގައި މިފަދަ ތަފާތު ސްކޭމް މެސެޖްތައް ކަސްޓަމަރުންނަށް ފޮނުވާފައިވެ އެވެ.