ސްޓެލްކޯ މުވައްޒަފުން އެމްއެންޑީއެފްއާއެކު ލީޑާޝިޕް އެންހޭންސްމެންޓް ޕްރޮގްރާމެއް ގިރިފުށީގައި ފުރިހަމަކޮށްފިއެވެ.
ސްޓެލްކޯގެ މުވައްޒަފުންނަށް ކުރިއަށް ގެންދާ މި ޕްރޮގުރާމުގެ ސަބަބުން ރައްޔިތުންނަށް ދެވޭ ޚިދުމަތުގެ ކޮލިޓީ ރަނގަޅު ކުރެވި، ސްޓެލްކޯގެ ސަފުތައް ބަދަހިކުރެވި، މުވައްޒަފުންގެ މަސައްކަތުގެ އަޚުލާޤު ހަރުދަނާވެގެންދާނެ ކަމަށް އެކުންފުނީގެ މެނޭޖިންގް ޑިރެކްޓަރ ހުސެއިން ފަހުމީ ވަނީ ވިދާޅުވެފައެވެ.
އެކުންފުނިން ވަނީ ސްޓެލްކޯގެ ހުރިހާ މުވައްޒަފުން މި ތަމްރީނު ފުރިހަމަ ކުރުމަށް އަމާޒު ހިފާފައެވެ. އެގޮތުން މިހާތަނަށް 120 މުވައްޒަފަކު ވަނީ ތަމްރީނު ފުރިހަމަކޮށްފައެވެ. މި ތަމްރީނު ކުރިއަށް ގެންދިއުމުގައި އެމްއެންޑީއެފްއިން ދެމުންގެންދާ އެހީތެރިކަމަށް ސްޓެލްކޯއިން ވަނީ ޝުކުރު އަދާކޮށްފައެވެ.
“މީހުން މީހުނަށްވަނީ މީހުން މީހުންނަށް ހެދީމަ”
ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ މައިސިޔާސަތަކީ ސަރުކާރުގެ އިދާރާތަކާ މުއައްސަސާތަކުން ރައްޔިތުންނަށް ޚިދުމަތް ދިނުމުގައި، އެ ރައްޔިތުން އެދޭގޮތަށް ހިނިތުންވުމާ އޯގާތެރިކަމާއެކު ޚިދުމަތްދިނުމެވެ. ސްޓެލްކޯގެ މެނޭޖިންގ… pic.twitter.com/ZclJJCaZGZ
— Hussain Fahmy (@u09HussainFahmy) February 10, 2024
އެކުންފުނީގެ އެމްޑީ ފަހުމީ ވިދާޅުވި ގޮތުގައި ރައީސް ޑރ. މުޙައްމަދު މުޢިއްޒުގެ މައިސިޔާސަތަކީ ސަރުކާރުގެ އިދާރާތަކާ މުއައްސަސާތަކުން ރައްޔިތުންނަށް ޚިދުމަތް ދިނުމުގައި، އެ ރައްޔިތުން އެދޭގޮތަށް ހިނިތުންވުމާ އޯގާތެރިކަމާއެކު ޚިދުމަތްދިނުން ކަމުގައި ވިދާޅުވިއެވެ. އެގޮތުން މަޤާމާއި ހަވާލުވެ އެންމެ އިސްކަމެއް ދިން އެއް ކަމަމަކީ މުވައްޒަފުންގެ ހުނަރާއި ޤާބިލްކަން އިތުރު ކުރުން ކަމަށް ފަހުމީ ވިދާޅުވިއެވެ.
ސްޓެލްކޯގެ މުވައްޒަފުންގެ ފަންނީ ޤާބިލްކަން އިތުރު ކުރުމަށް ތަމްރީނެއް ކުރިއަށް ގެންދާއިރު، އެކުންފުނިން ދަނީ ރައްޔިތުންނަށް ދަތިވާ ގޮތަށް ހުރި ސްޓެލްކޯ މުދާ މަގުމަތިން ނެގުމުގެ މަސައްކަތްވެސް ކުރަމުންނެވެ. އަދި ރޯދައިގެ ކުރިން ސްޓެލްކޯގެ ބޭނުމަށް ބަނދުކޮށްފައިވާ ދޮންއަދަރާދަ ހިނގުން ހުޅުވުމުގެ މަސައްކަތްވެސް އެކުންފުނިން ދަނީ ކުރަމުންނެވެ.