މިއަދު ފަތިހު ހުޅުމާލޭގައި ކަސްރަތަށް ނުކުމެ އުޅެނިކޮށް އަންހެނެއްގެ ކަރުގައި އޮތް ފަށެއް ފޭރިގެންފައިވެ އެވެ.
މަގުމަތިން ބަޔަކު ދިމާކޮށްލައި ބިންމައްޗަށް ވައްޓައިލުމަށް ފަހު ފަށް ފޭރުނު މައްސަލަ ވަނީ ފުލުހުންނަށް ވެސް ހުށަހަޅައިފަ އެވެ. ފޭރިގެންފައި ވަނީ ގައުމީ އަންހެން ފުޓްބޯޅަ ޓީމުގެ ކުރީގެ ކުޅުންތެރިޔާ އަދި ވިމެން ފުޓްބޯލް ކްލަބްގެ ބާނީންގެ ތެރޭގައި ހިމެނޭ މަރިޔަމް މުހައްމަދު (މާޔަން) ގެ ފަށެވެ.
އޭނަ ބުނެފައި ވަނީ ބަޔަކު ފަށް ފޭރި ގަތުމުން އެހީއަކަށް އެދ ހަޅޭއްލަވަމުން އެ ހިސާބުގައި އުޅުނު ބިދޭސީ އަކު ފަށް ފޭރުނު މީހުން އަތުލައިގަނެވޭތީ މަސައްކަތް ވެސް ކުރި ކަމަށެވެ. އެކަމަކު ސައިކަށް އަރައިގެން ބާރު ސްޕީޑްގައި ދުވެ ފިލީ ކަމަށް ބުނެފައިވެ އެވެ.
މީގެ ދުވަސްކޮޅެއް ކުރިން ޕްރޮސެކިއުޓަ ޖެނެރަލް ހުސައިން ޝަމީމު މާލޭގައި ކަސްރަތަށް ނުކުމެ އުޅެނިކޮށް، މަރުތޭލަކުން ހަމަލާދީ ޒަހަމްކޮށްފައިވެ އެވެ.