ރާއްޖެ އަށް މިހާރު ދިމާވެފައިވާ ޑޮލަރުގެ ތާށިކަމުގެ މައްސަލަ ދެތިން މަސްތެރޭ ހައްލުވާނެކަމުގެ ޔަގީންކަން އޮތް ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
މި ސަރުކާރުން ބާއްވާ ދެވަނަ އިންވެސްޓްމަންޓް ފޯރަމް ދުބާއީގައި މިއަދު ފެށުމުގެ ކުރިން ނޫސްވެރިންނާ ވާހަކަ ދައްކަވަމުން މިނިސްޓަރު ވިދާޅުވީ ޑޮލަރުގެ ތާށިކަން އެންމެ ބޮޑަށް ދިމާވާން މެދުވެރިވި އެއް ސަބަބަބަކީ ސޮވެރިން ޑިވެލޮޕްމަންޓު ފަންޑަށް ޖަމާކުރަމުން ދިޔަ ފައިސާ ނިމިދިޔަ ސަރުކާރުން ބޭނުން ކުރުން ކަމަށެވެ.
"އެންމެ ބޮޑު އިޝޫއަކަށް މިއުޅެނީ ސޮވެރިން ޑިވެލޮޕްމަންޓު ފަންޑަށް ކުރިން ޖަމާކުރަން ފެށި ފައިސާތަކެއް ކުރިން ނިމިދިޔަ ސަރުކާރުން ހުސްކޮށްލުން. އޭގަހުރި ފައިސާވެސް ވަނީ ނަގާފައި،" ސައީދު ވިދާޅުވި އެވެ. "އެއީ އަޅުގަނޑުމެން ޑެޓް ރީޕޭމަންޓަށް ކަލެކްޓް ކުރަމުންދިޔަ ޑިޕޮސިޓުތަކެއް. އެހުސްކޮށްފައި ހުރީ. ޑެޓެއް ކްރިއޭޓް މިކުރީ ވަރަށް ބޮޑަށް އެއާޕޯޓު ވެސް ނުނިންމާ."
މިނިސްޓަރު ވިދާޅުވި ގޮތުގައި މެދުއިރުމަތީގެ މައްސަލަތަކާއި، ދުނިޔޭގެ ބާޒާރުގައި ތެލުގެ އަގަށް ވެސް ބަދަލުތަކެއް އައިސްފާ މި ދަނޑިވަޅުގައި ޑޮލަރުގެ ކަޅު ބާޒާރެއް އެބައޮތެވެ. ކަމަށެވެ. އަދި އެކަމަށް ބައެއް ވިޔަފާރިތައް ބަރޯސާވެފައިވުމަކީ ވެސް ޑޮލަރުގެ ތާށިކަން އައި ސަބަބެއް ކަމަށް ވިދާޅުވި އެވެ.
"މިހާރު މިއުޅޭ އިޝޫ އަކީ ބްލެކް މާކެޓެއް އޮވެފައި، ބްލެކް މާކެޓަށް ޑެލިބެރޭޓުލީ ވިޔަފާރިތަކެއް ޑައިވަމުންދާ މައްސަލަ،" ސައީދު ވިދާޅުވި އެވެ. "އެހެންވީމަ އެކަން އޯވާކާމްކޮށް އަޅުގަނޑުމެން ކުރިއަށް އޮތް ދެތިން ހަތަރު މަހެއްގެ ތެރޭގަ ޑޮލަރު މައްސަލަ ހައްލު ކުރާނަން. އެއީ އަޅުގަނޑުމެންގެ އަމާޒަކީ."