ކުރިން ވެސް ރައްޔިތުންގެ މަޖިލީހުގެ މެންބަރުކަން ކުރައްވާފައިވާ މުހައްމަދު ޝިފާޒް މި އަހަރުގެ މަޖިލިސް އިންތިހާބުގައި ވިލިމާލެ ދާއިރާ އަށް ވާދަކުރައްވަން ނިންމަވައިފި އެވެ.
މިހާރު ދަ ޑިމޮކްރެޓްސް އަށް ނިސްބަތްވާ ޝިފާޒު ވިދާޅުވީ މަޖިލީހަށް ވާދަކުރައްވަން ނިންމެވީ ރާއްޖޭގެ ޖުމުލަ ރައްޔިތުންގެ ހާލަތާއި ވިސްނުން އެއް ފަސްގަނޑަކުން ވަޒަންކުރެވޭ އާބާދީއަކަށް ވިލިމާލެ ދާއިރާވާތީ ކަމަށެވެ. އެހެންވެ އޭނަ އަށް ތާއީދުކޮށް ދެއްވުމަށް އެދިވަޑައިގެންފައިވެ އެވެ.
ޝިފާޒަކީ ކުރިން ރާއްޖޭގެ އެންމެ ބޮޑު ޕާޓީ، އެމްޑީޕީގެ ނައިބު ރައީސްކަން ވެސް ކުރެއްވި ބޭފުޅެކެވެ. ރައީސް ޑރ. މުހައްމަދު ސޯލިހުގެ ސަރުކާރުގައި އޭނަ ރައީސް އޮފީހުގެ މިނިސްޓަރުކަން ކުރެއްވި އެވެ. އެކަމަކު ފަހުން އޭނަ މަގާމުންނ ވަކިކޮށްފައިވެ އެވެ.