ރައްޔިތުންގެ މަޖިލީހުގެ ސ. ހުޅުދޫ ދާއިރާއަށް ޕީޕީއެމް/ ޕީއެންސީއިން ވާދަކުރާ މުހައްމަދު ޝާހިދު (ޝާޑު) ފޯމު ހުށަހެޅުމަށް ހޯމަ ދުވަހު ދަރުބާރުގެއަށް ވަޑައިގަތީވެސް ތާއިދުއޮތްކަން ދައްކާލުމަށް އެތައް ބަޔަކާއިއެކުއެވެ.
ހުޅުދޫ ދާއިރާ 2014 އިން 2019 ވަނަ އަހަރާއި ހަމައަށް ތަމްސީލު ކުރެއްވި ޝާޑު އަކީ މިވަގުތު އެ ދާއިރާއަށް ނިކުމެ ތިބި އެހެން ކެންޑިޑޭޓުންނަށް ވުރެ ގާތުން ރައްޔިތުންނާއި އެކު ހިދްމަތް ކުރާ ރައްޔިތުންގެ އެކުވެރިއެކެވެ.
ޝާޑު މިފަހަރު މަޖްލިސްއަށް ވާދަކުރަން ނިންމީވެސް ދާއިރާގެ އެތައް ބައެއްގެ އެދުމުގެ މަތިންނެވެ. ޕީޕީއެމްގެ ވެރިކަމުގެ 5 އަހަރަކީ ޝާޑުގެ މަޖްލިސް މެމްބަރު ކަމުގައި ހުޅުދޫ ބަދަލުކޮށްލި 5 އަހަރެވެ.
ރަށުގައި ވަޒީފާ އުފައްދައި, ރަށް ދޫކޮށް ހިޖްރަ ކުރި އެތައް ބަޔަކު އެ ފަސް އަހަރުގައި އެނބުރި ރަށައް ބަދަލުވީ ޝާޑު ހުޅުދޫއަށް ގެނެސްދެއްވި ތަރައްޤީއިންނެވެ.
މިއަދުވެސް ރައީސް މުއިއްޒުގެ ސަރުކާރާއި އެކު ހުޅުދޫ ބަދަލުކޮށްލަން ޝާޑު މިވަނީ މެކުހަށް ޖަހާފައެވެ. ވާދަވެރިންނަށް ރައްދު ނުދީ ޝާޑު ބާރު ސްޕީޑެއްގައި ކެމްޕެއިން މެކުހަށް ޖަހާލުމުން ރައްޔިތުން ތިބީ ހިތް ހަމަޖެހި އުފަލުން ފޮޅިފައެވެ. ހުޅުދޫ ތަރައްޤީ ދެންވެސް ގެނެސްދެވޭނެ ކެންޑިޑޭޓަކީ ޝާޑުއެވެ.
ޝާޑުގެ އެދުމަކީ ރީތި ކެމްޕެއިނަކާއި އެކު ސަރުކާރާއި ގުޅިގެން ރައްޔިތުންނަށް މާއުފާ ތަނަވަސް ހުޅުދޫއެއް ހޯދައި ދިނުމަށެވެ.