އުރީދޫ މޯލްޑިވްސް ސައުތު ރީޖަން މުވައްޒަފުންނަށް ހާއްސަކޮށްގެން އެމްއެންޑީއެފުން އައްޑޫގައި އަލިފާނަށް ހޭލުންތެރިކުރުމުގެ ސެޝަނެއް ބާއްވައިފި އެވެ.
އެމްއެންޑީއެފް ސަދަން އޭރިއާ ކޮމާންޑްގެ ހިތަދޫ ފަޔަ ސްޓޭޝަނުން އިއްޔެ ބޭއްވި ސެޝަންގައި، އަލިފާން ރޯވާން މެދުވެރިވާ ސަބަބުތަކާއި، އަލިފާން ފެތުރޭ ގޮތްތަކާއި، އަލިފާނުގެ ބައިތަކާއި، އަލިފާން ނިއްވާނެ ގޮތުގެ އަސާސީ މަޢުލޫމާތާއި، އަލިފާންނިވި އާއި ފަޔަ ބްލޭންކެޓް ބޭނުން ކުރާނެ ގޮތް ފަދަ މުހިންމު މަޢުލޫމާތުތައް ކިޔައިދީފައިވެ އެވެ.
އަދި ސެޝަންގެ ތެރޭގައި ވަނީ ޢަމަލީ ގޮތުން އަލިފާން ނިއްވާނެ ގޮތް ދައްކައިދީ، އަލިފާން ނިއްވުމުގެ ހުނަރުތައް އުނގަންނައި ދީފަ އެވެ.
އެމްއެންޑީއެފުން ބުނީ އއެ ސެޝަންގައި، އުރީދޫ މޯލްޑިވްސް ސައުތު ރީޖަންގެ 17 މުވައްޒަފަކު ބައިވެރިވި ކަމަށެވެ.
އެމްޑީއެފުން އެކި ފަރާތްތަކަށް އަމާޒުކޮށްގެން މިހާތަނަށް މިފަދަ ސެޝަންތައް ބާއްވާފައިވެ އެވެ. އަދި މިކަން ސިލްސިލާކޮށް އަންނަނީ ކުރިއަށް ގެންދަމުންނެވެ.