މަކާރާއި ހީލަތުން 400 ޑޮލަރު ހޯދާފައިވާ މައްސަލައަކާ ގުޅިގެން ދެ މީހަކު ހޯދަން އިއުލާންކޮށްފި އެވެ.
ހޯދަން ފުލުހުން އިއުލާންކުރި ދެ މީހުންނަކީ ކ. މާލެ، މއ. ކެދިފަށުވިގޭ އަބްދުﷲ މުޙައްމަދު، 61، އާއި މާލެ މއ. ޑޯރެންސީވިލާ އިސްމާއީލް ޝިމާމް، 42، އެވެ.
މި ދެ މީހުން ހޯދަން އިއުލާންކުރީ މ. މުލީ ޕޮލިސް ސްޓޭޝަނުން ތަހުގީހު ކުރަމުން އަންނަ މަކަރާއި ހީލަތުގެ މައްސަލައިގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށް ފުލުހުން ބުންޏެވެ.
ފުލުހުން ބުނި ގޮތުގައި އަބްދުﷲ އާއި ޝިމާމު މުލީ ޕޮލިސް ސްޓޭޝަނަށް މި މަހުގެ 24 ވަނަ ދުވަހުގެ ހެނދުނު 10:00 އަށް ހާޒިރުވާން ޖެހެ އެވެ.