ކުރީގެ ރައީސް އަބްދުﷲ ޔާމީން މިނިވަން ނުކޮށް އަނިޔާކުރާ މީހުންނަށް އެއްވެސް ތާއީދެއް ނޯންނާނެ ކަމަށް ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ވިދާޅުވެއްޖެ އެވެ.
އޭނަ ސޯޝަލް މީޑިއާ ޕޯސްޓެއްގައި ވިދާޅުވީ މިހާރުގެ ރައީސް ޑރ. މުހައްމަދު މުއިއްޒަށް މިއަދު ސިޔާސީ ގޮތުން މިހާރު ހުންނެވި ހިސާބަށް ވަޑައިގެންނެވުނީ ޔާމީންގެ ފިކުރާއި ޔާމީންގެ ގުރުބާނީން ކަމަށެވެ.
"އެ މަނިކުފާނަށް މިއަދު މި ސަރުކާރުން ދޯކާ ދީފައި އިސްތިއުނާފު ހިފަހައްޓާފައިވާ ގޮތް އެބަފެނޭ،" ޖަމީލު ވިދާޅުވި އެވެ. "އަޑިގަނޑަކަށް ފަހު އުސްގަނޑެއް އަންނާނެ. އަބަދު މިވެރިކަމެއް އަދި މިޙާލަތު ވެސް ނޯންނާނެ."
ޔާމީންގެ ގާނޫނީ ވަކީލެއްގެ ގޮތުގައި ވެސް އުޅުއްވާ ޔާމީން ވިދާޅުވީ އެ މަނިކުފާނަށް އަނިޔާ ކުރާ ބަޔަކަށް ދުވަހަކު ވެސް ތާއީދެއް ނޯންނާނެ ކަމަށެވެ.
"މި ސަރުކާރުގެ އަނިޔާވެރިކަމަށް ބޯލަނބާނެ ގޮތެއް ނޯންނާނެ. ހުސްގޮނޑި، އެ ވައުދުތައް ހަނދާންކޮށް ދޭނަން." ޖަމީލު ވިދާޅުވި އެވެ.
އޭނަ ވިދާޅުވީ ރާއްޖޭގެ ސިޔާސީ ޙަޔާތުގައި އުފަން ރަށް ފުވައްމުމަލަކީ ވެސް ވަރަށް މުހިއްމު ތަނެއް ކަމަށާއި ޔާމީނަށް އިންސާފު ހޯދައި ދެއްވުމަށް ކުރައްވާ މަސައްކަތްތަކުގައި ފިސާރި ސާބިތުކަމާ އެކީ ހުންނަވާނެ ކަމަށެވެ.
"[އެކަމާ] ޝައްކުކޮށްގެން ނުވާނެ." ޖަމީލު ވިދާޅުވި އެވެ.