އުރީދޫ މޯލްޑިވްސް އިން ބައިނަލްއަގުވާމީ ޕީސް ކޭބަލް ރާއްޖެއާ ގުޅާލުމަށް އަންނަ އެ ކޭބަލް ކުޅުދުއްފުއްޓަށް އެއްގަންކޮށް، އެ ތަނުގައި ގާއިމުކޮށްފައިވާ އުރީދޫގެ ލޭންޑިން ސައިޓާ އިއްޔެ ގުޅާލައިފިއެވެ.
އިއްޔެ މިކަށްޓަކައި ބޭއްވި ރަސްމިއްޔާތު ޝަރަފުވެރިކޮށް ދެއްވީ ސިޓީތަކާއި އިދާރީ ދާއިރާތަކާ ބެހޭ މިނިސްޓަރު ހިންގުމާއި، އާންމު އާދަމް ޝަރީފް ޢުމަރެވެ.
ކުޅުފުއްޓަށް އެރުވި މި ކޭބަލަކީ ހުޅުމާލެ ފިޔަވައި ރާއްޖޭގެ އިތުރު ރަށަކަށް އިންޓަނޭޝަނަލް ސަބަމެރިން ކޭބަލެއް ގުޅާލެވޭ ފުރަތަމަ ފަހަރެވެ. އުރޫދޫން ބުނީ މި އަހަރުގެ މެދު ތެރޭގައި މި ސިސްޓަމް މަސައްކަތް ކުރާނެ ކަމަށް ލަފާކުރެވޭ ކަމަށެވެ.
މި ސަބްމެރިން ކޭބަލްގެ ސަބަބުން ސިންގަޕޫރާއި ޔޫރަޕް އަދި އެފްރިކާއާ ވެސް ރާއްޖެ ގުޅައިލެވޭނެ ކަމަށް އުރީދޫ މޯލްޑިވްސްއިން ބުންޏެވެ. މީގެ މައިގަނޑު ބޭނުމަކީ އިންޓަނެޓްގެ ޚިދުމަތުގެ ލޭޓެންސީ ރަނގަޅުކޮށް، ކެޕޭސިޓީ އިތުރު ކުރުމެވެ. މި ކޭބަލާއެކު 5ޖީ ގެ ޤާބިލްކަން އިތުރުކޮށް، އިޖާދީ ޚިދުމަތްތަކަށް ފުރުސަތު ހުޅުވި ހަގީގީ ޑިޖިޓަލް ރާއްޖެއަކަށް މަގުފަހިވާނެ ކަމަށް އުރީދޫން ބުންޏެވެ.
ޕީސް ކޭބަލްގެ ލޭންޑިން ސްޓޭޝަނަށް ކާމިޔާބުކަމާއެކު ގުޅާލުމުގެ ސަބަބުން ރާއްޖޭގެ އުތުރު ވެގެންދާނީ އިރުމައްޗާއި ހުޅަނގަށް ޑިޖިޓަލް ފުރުޞަތުތައް ފަހިކޮށްދޭނެ މަންޒިލަކަށް ކަމަށް ވެސް އެ ކުންފުނިން ބުނެ އެވެ.