ކާމިޔާބުކަމާ އެކީ ކުރެވިދާނެ ކަމެއްތޯ ބަލަން ރާއްޖޭގައި "ވާޓިކަލް ފާމިން" ޕްރޮފްރާމެއް އިފުތިތާހުކޮށްފި އެވެ.
އެގްރިކަލްޗް މިނިސްޓްރީން ފެށި މި ޕައިލެޓް ޕްރޮގްރާމް ހދ. ހަނިމާދު އެގްރިކަލްޗަ ސެންޓަރުގައި އިފުތިތާހުކޮށް ދެއްވީ މިނިސްޓަރު ޑރ. އައިޝަތު ރަމީލާ އެވެ.
މި ޕްރޮގްރާމާ ގުޅޭ ގޮތުން މިނިސްޓަރު ވިދާޅުވީ ދދަނޑުވެރިކަމުގެ ސިނާއަތަށް ކުރިއެރުން ގެނުވުމުގެ ގޮތުން އާ އީޖާތުތައް ތައާރަފުކުރުމަކީ ސަރުކާރުން ވަރަށް އިސްކަންދޭ ކަމެއް ދޭ ކަމެއް ކަމަށާއި ވާޓިކަލް ފާމިން އަކީ ރާއްޖެ ފަދަ ކުދި ޖަޒީރާ ރަށްތަކަކަށް ނުހަނު ފައިދާ ކުރަނިވި ކަމަކަށް ވެދާނެ ކަމަށެވެ.
މި ޕްރޮޖެކްޓުގެ ދަށުން ވާޓިކަލް ފާމިން ސެޓަޕްތައް އިންސްޓޯލްކޮށް، ސިސްޓަމްތަކުގައި ގަސްތައް ވަނީ ރުވައިފަ އެވެ. އެގޮތުން
ހަނިމާދޫ އެގްރިކަލްޗަ ސެންޓަރުގައި ތިން ވައްތަރެއްގެ ވާޓިކަލް ހައިޑްރޮޕޯނިކްސް ސެޓަޕް ގާއިމުކޮށްފައިވެ އެވެ. އޭގެ ތެރޭގައި، މިހާރު ވެސް ދަނޑުވެރިންނަށް ތައާރަފުކޮށްފައިވާ ނިއުޓްރިއެންޓް ފިލްމް ޓެކްނިކް ބޭނުންކޮށްގެން ވާޓިކަލް ފްރޭމް ސްޓްރަކްޗަގައި ގަސް ހައްދާ ނިޒާމު ޕައިލެޓްކުރުމާއި، ޕައިން އެޕަލް ޓަވަ ސިސްޓަމްގެ އިތުރުންދި އޭރޯޕޯނިކްސް ޓަވަ ސިސްޓަމްތަކުގެ ޕައިލެޓް ޓެސްޓްތައް ކުރިއަށް ގެންދިއުން ހިމެނެ އެވެ.
އެ ސިސްޓަމްތަކުގައި އެންމެ ފުރަތަމަ ޓެސްޓުކުރުމަށް ހަމަޖެހިފައި ވަނީ، ފަތްފިލާވެލީގެ ބާވަތްތަކާއި ތަރުކާރީގެ ބާވަތްތަކެވެ.
މިނިސްޓްރީން ބުނީ ހަނިމާދޫ އެގްރިކަލްޗަ ސެންޓަރުގައި މަސައްކަތް ކުރާ މިނިސްޓްރީގެ ފަންނީ މުވައްޒަފުންގެ ޓީމުން އެކުލަވާލި މައުލޫމާތަށް ބަރޯސާވެ، ރާއްޖެއަށް އެންމެ އެކަށޭނެ ވާޓިކަލް ފާމިންގެގެ ވައްތަރު ދެނެގަންނަށް ފަސޭހަވެގެންދާނެ ކަމަށެވެ. އެ
އެގޮތުން އެންމެ އެކަށޭނެ ވާޓިކަލް ފާމިން ދެނެގަނެ ރާއްޖޭގެ ހުރިހާ ހިސާބެއްގެ ދަނޑުވެރިންނަށް އެ ނިޒާމު ތައާރަފްކޮށް ދޭނެ ކަމަށް އެގްރިކަލްޗަ މިނިސްޓްރީން ބުންޏެވެ.