ދިވެހިންގެ ފަންނުވެރިންގެ މަސައްކަތްތައް ދައްކައިލަން މި އަހަރުގެ ތެރޭގައި މެލޭޝިއާގައި ހަރަކާތެއް ބާއްވަން ނިންމާފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ބިޒްނެސް ސެންޓަ ކޯޕަރޭޝަން (ބީސީސީ) އިން ބޭއްވި "ކްރިއޭޓަރސް ކޮންފްލުއެންސް" ގެ ފަހު ސެޝަންގައި ބައިވެރިންގެ ސުވާލުތަކަށް ޖަވާބު ދެއްވަމުން މިނިސްޓަރު މެލޭޝިއާގައި ބާއްވާ ހަރަކާތް ވާނީ ދިވެހި ފަންނުވެރިންނަށް ބައިނަލްއަގުވާމީ މާކެޓުން ޖާގަ ހޯދައި ދިނުމަށް ސަރުކާރުން ކުރާ މުހިއްމު މަސައްކަތަކަށް ކަމަށެވެ
އެގޮތުން ފަންނުވެރިންނަށް ހާއްސަ އެކްސްޕޯއެއް އޭގައި ފަންނުވެރިންގެ ހުނަރާއި މަސައްކަތްތެރިކަން ވާދަވެރި މާހައުލެއްގައި ދައްކައިލެވޭނެ ކަމަށް ސައީދު ވިދާޅުވި އެވެ.
"މެލޭޝިއާގައި އަޅުގަނޑުމެން އެބަ ގަސްދުކުރަން ދިވެހި ކޮންޓެންޓް ކްރިއޭޓާސް އަށް އެގްޒިބިޝަނެއް ބާއްވަން ޒުވާނުންނަށް. އެއީ ރައީސް މުހައްމަދު މުއިއްޒު ވެސް ބޭނުންފުޅުވޭ ކްރިއޭޓަ އިކޮނޮމީ ވަރަށް ފުޅާކުރަން." އޭނަ ވިދާޅުވި އެވެ.
ނަމަވެސް އެ ހަރަކާތް ބާއްވާނެ އިރެއް ސައީދު ވިދާޅެއް ނުވެ އެވެ.