އައްޑޫ ފޭދޫން ގޯތި ލިބުނު މީހުންގެ މެދުގައި މިރޭ ބާއްވަން ނިންމި ގުއަތުލުން މާދަމާ ރެއަށް ފަސްކޮށްފި އެވެ.
ފޭދޫ އަވަށު އޮފީހުން ބުނީ ގުރުލުން އޮންނާނީ މާދަމާ ރޭ 8:00 ގައި ފޭދޫ ސްކޫލްގައި ކަމަށެވެ. ގުރުލުން މާދަމާ ރެއަށް ފަސްކުރީ ކުރިން މިއަދު މެންދުރު ފަހު 2:30 ގައި ބާއްވަން އޮތް ގުރުލުން މިރޭ 8:00 އަށް ފަސްކޮށްފައި ވަނިކޮށެވެ.
ފޭދު އަކީ މިދިޔަ އަހަރުގެ ކުރީކޮޅު އައްޑޫން ގޯތި ދޭން ނިންމި ހަތަރު އަވަށުގެ ތެރެއިން ހިތަދޫ ފިޔަވައި އެންމެ ގިނަ ގޯތި ދޭން ނިންމި ރަށެވެ. އެ އަވަށުން 300 ގޯއްޗަށް ހުޅުވައިލި އެވެ.
ފޭދޫގެ އިތުރުން ގޯތި ދޭން ނިންމީ ހިތަދު އާއި މީދޫގެ އިތުރުން ހުޅުދޫންނެވެ. އެގޮތުން ޖުމްލަ 1،000 ގޯއްޗަށް ހުޅުވައިލި އެވެ. އެއީ ހިތަދޫން 500 ގޯއްޗާއި މީދު އާއި ހުޅުދޫން ކޮންމެ އަވަށުން 100 ގޯއްޗެވެ. އެ އަވަށްތަކުގެ ގުރުލުން ވަނީ ބާއްވައިފަ އެވެ.