ރައީސް ޑރ. މުހައްމަދު މުއިއްޒު ރިޔާސީ އިންތިހާބުގެ ކެމްޕޭންގެ ތެރޭގައި ދެއްކެވި ވާހަކަތައް ހިމަނައިގެން ނެރުނު ފޮތް "ދިވެހީންގެ ރާއްޖެ: ޑރ. މުހައްމަދު މުއިއްޒު" އައްޑޫ ސިޓީ ކައުންސިލަށް ހަދިޔާކޮށްފި އެވެ.
އެ ފޮތް ހަދިޔާކުރީ ރައީސް އިއްޔެ އައްޑު އަށް ވަޑައިގެން ކައުންސިލާ އެކީ ބޭއްވި ބައްދަލުވުމުގެ ތެރޭގަ އެވެ. ފޮތާ ކައުންސިލްގެ ފަރާތުން ހަވާލުވެވަޑައިގެންނެވީ މޭޔަރު އަލީ ނިޒާރެވެ.
މިހާރު ރައީސް އޮފީހުގެ ވެބްސައިޓުން އޮންލައިންކޮށް ވެސް ކިޔޭނެ އިންތިޒާމު ހަމަޖައްސާފައިވާ އެ ފޮތަކީ 1،024 ސޮފްހާގެ ފޮތެކެވެ. ފޮތް ޕީޑީއެފް ފޯމެޓްގައި ޑައުންލޯޑް ވެސް ކުރެވޭނެ އެވެ. "ދިވެހީންގެ ރާއްޖެ: ޑރ. މުހައްމަދު މުއިއްޒު" ގައި ހިމަނާފައި ވަނީ ރައީސް މުއިއްޒު ރިޔާސީ އިންތިހާބަށް ވާދަކުރައްވަން އޮގަސްޓް 7 ގައި ހުށަހެޅުއްވި ހިސާބުން ފެށިގެން ރިޔާސީ އިންތިހާބުގެ ދެވަނަ ބުރުގެ ކެމްޕެއިން ސެޕްޓެމްބަރު 29 އާ ހަމައަށް ނިންމައިލި ހިސާބަށް ދެއްކެވި ވާހަކަތަކެވެ.
މި، ފޮތުގެ ކޮޕީތަކެއް އެކިއެކި އިދާރާތަކަށް ބަހާނެކަން ރައީސް އިއުލާންކުރެއްވީ މިދިޔަ މަހުގެ ތެރޭގައި ތ. އަތޮޅަށް ކުރެއްވި ދަތުރުގަ އެވެ.