ރައީސް ޑރ. މުހައްމަދު މުއިއްޒު އިއްޔެ ރާއްޖޭގެ އެންމެ ދެކުނުގެ ހަތަރު އަތޮޅަށް ފެއްޓެވި ދަތުރުގެ ތެރެއިން އައްޑޫގެ ދަތުރު މިއަދު ނިންމަވާލެއްވުމަށް ފަހު ފުވައްމުލަކަށް ވަޑައިގަންނަވާ ގޮތަށް ހަމަޖެހިއްޖެ އެވެ.
އެ މަނިކުފާނު ފުވައްމުލަކަށް ވަޑައިގަންނަވާނީ މެންދުރު ފަހު އެވެ. ރައީސް މިހާރު ހުންނެވީ ހުޅުމީދޫގަ އެވެ.
އެގޮތުން ހުޅުދު އާއި މީދޫގެ ރައްޔިތުންނާ ބައްދަލު ކުރައްވަން ހަމަޖެހިފައވެ އެވެ. އެގޮތުން ސ. އަތޮޅު މަދަރުސާގައި ބާއްވާ ޖަލްސާ މިހާރު ވަނީ ފަށައިފަ އެވެ. މި ޖަލްސާގައި ހުޅުމީދު އާއި ހިތަދު ގުޅައިލަން އަޅަން ނިންމާފައިވާ ބްރިޖާ ގުޅޭ މައުލޫމާތު ހިއްސާކުރައްވައި، އެކަމާ ގުޅުން ހުރި މުހިއްމު މަސައްކަތްތަކެއް ބޭރުގެ ކުންފުންޏަކާ ހަވާލު ކުރައްވާނެ އެވެ.
ރައީސް އިއްޔެ ވަނީ މަރަދު އާއި މަރަދޫފޭދު އާއި ފޭދޫ އަދި ހިތަދޫ ރައްޔިތުންނާ ބައްދަލުކުރައްވައިފަ އެވެ.
ފުވައްމުލަކަށް ފަހު ރައީސް ދެން ވަޑައިގަންނަވާނީ ހުވަދު އަތޮޅަށެވެ. އެއީ މާދަމާ އެވެ.