ފުވައްމުލަކުގެ ތަރައްގީ އާއި ކުރިއެރުމަށް މި ސަރުކާރުން ކުރާ ކޮންމެ ކަމަކަށް ދޭން ޖެހޭ އެހީތެރިކަމާއި އެއްބާރުލުން ދޭނެކަމުގެ ޔަގީންކަން ފުވައްމުލަކު މޭޔަރު އިސްމާއީލް ރަފީގު ދެއްވައިފި އެވެ.
އެ ޔަގީން އެ ކައުންސިލުން ސަރުކާރށް ދިނީ ރައީސް ޑރ. މުހައްމަދު މުއިއްޒު އިއްޔެ ފުވައްމުލަކަށް އިއްޔެ ވަޑައިގެން ރޭ ބޭއްވި ޖަލްސާގަ އެވެ.
އެ ޖަލްސާފައި މޭޔަރު ވިދާޅުވީ ސިޔާސީ ކޯޅުމުގެ ތެރެއިން ފުވައްމުލަކު ރައްޔިތުންނަށް ލިބެން އޮތް ކުރިއެރުމެއް ހުއްޓިގެން ދިޔުމަށް ބޭނުންވެވަޑައި ނުގަންނަވާ ކަމަށެވެ. އެހެންވެ އެ ސިޓީގެ ތަރައްގީ އަށް ސަރުކާރުން ކުރާ ކޮންމެ ކަމެއްގައިކައުންސިލްގެ ފުރިހަމަ އެއްބާރުލުން އޮންނާނެ ކަމަށް ވިދާޅުވި އެވެ.
"ރައީސްގެ ޓީމާއެކު މަސައްކަތްކޮށް ފުވައްމުލަކަށް ބޭނުންވާ ތަރައްޤީ ގެނައުމަށް ކައުންސިލްގެ އެއްބާރުލުން ލިބިގެން ދާނެ. އަދި އެކަމުގައި ރައީސްގެ އެއްބާރުލުން ލިބިގެންދާނެ ކަމަށް ޔަގީންކުރަން." ރަފީގު ވިދާޅުވި އެވެ.
ރައީސް ފުވައްމުލަކު ސިޓީ ކައުންސިލާ ބައްދަލުކުރައްވައި އެ ސިޓީގެ ތަރައްގީގެ ކަންކަމާ ގުޅޭ ގޮތުން މަޝްވަރާ ވެސް ކުރައްވާފައިވެ އެވެ. އެ ބައްދަލުވުމުގައި ރައީސް ވަނީ އެ މަނިކުފާނުގެ ކެމްޕޭން ސްޕީޗް ފޮތް ވެސް ކައުންސިލަށް ހަދިޔާކުރައްވައިފަ އެވެ.