އއ. ތޮއްޑޫގައި ރަޝިއާގެ މީހަކަށް ހަމަލާ ދީފި އެވެ.
ފުލުހުން ބުނީ އެ ރަށު ހަމަލާ ދީފައި ވަނީ އެ ރަށު ޑައިވް ވިލާ ސެންޓަރުގައި ކަމަށެވެ. އެ ހާދިސާގައި ޒަހަމްވި 42 އަހަރުގެ މީހާ އެ ޑައިވް ސެންޓަރުގައި މަސައްކަތްކުރާ މީހެކެވެ. ކަމަށެވެ. އޭނަ އަށް ހަމަލާދީ ޒަހަމްކުރި މައްސަލަ ފުލުހުންނަށް ރިޕޯޓްކުރީ އިއްޔެ އިރުއޮއްސި 6:30 ހާއިރު އެވެ.
މާރާމާރީގައި ޒަހަމްވި މީހާ އަށް ތޮއްޑޫ ސިއްހީ މަރުކަޒުގައި ފަރުވާ ދިނުމަށް ފަހު ވަނީ ދޫކޮށްލައިފަ އެވެ. އަދި މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ. ނަމަވެސް އެއްވެސް މީހަކު އަދި ހައްޔަރެއް ނުކުރެ އެވެ.
ގިނަ އަދަދެއްގެ ގެސްޓްހައުސް ހިންގަމުން އަންނަ ތޮއްޑު އަކީ ޓޫރިސްޓުން ވަރަށް ގިނައިން ޗުއްޓީ އަށް މިހާރު ދާ ރަށެކެވެ.