މީގެ ތިން އަހަރެއްހާ ދުވަސް ކުރިން ސްރީ ލަންކާގައި ކުޑަ އަންހެން ކުއްޖަކު އިޝްތިހާރުކޮށް، އެ ކުއްޖާ ލައްވައި ހަށިވިއްކުވި މައްސަލައިގެ ހައްޔަރުކުރި ފިނޭންސް މިނިސްޓްރީގެ ކުރީގެ ސްޓޭޓް މިނިސްޓަރު މުހައްމަދު އަޝްމަލީ ދޫކޮށްލައިފި އެވެ.
ކޮލަމްބޯ ކޯޓުން އޭނަ ދޫކުރީ ދައުވާ ސާބިތުވެފައި ނުވާތީ އެވެ. އުމުރުން 15 އަހަރުގެ އަންހެން ކުއްޖަކު ލައްވައި ހަށިވިއްކުވި މައްސަލާގައި އަޝްމަލީ ހިމެނޭޙެން 32 މީހަކު ހައްޔަރުކުރީ 2021 ގެ ޖުލައި މަހުގެ ކުރީކޮޅު އެވެ. ފުލުހުން ބުނެފައިވާ ގޮތުގައި އެ މައްސަލައިގާ ހައްޔަރުކުރި ކޮށްފައިވާ މީހުންގެ ތެރޭގައި އަންހެން ކުއްޖާގެ މަންމަ ވެސް ހިމެނެ އެވެ.
ކޮލަމްބޯ ކޯޓުން އިއްޔެ ވަނީ އަޝްމަލީގެ އިތުރުން މައްސަލައިގައި ހިމެނޭ 17 މީހަކު ދޫކޮށްލަން އަމުރުކޮށްފަ އެވެ. އެ މީހުން ދޫކޮށްލީ އެކަށީގެންވާ ހެކި ނެތުމުންމެވެ.
އަޝްމަލީގެ މައްޗަށް ކުރީ ކުޑަކުއްޖެއްގެ ބޭނުން ޖިންސީ ގޮތުން ނަހަމަ ގޮތުގައި ހިފުމުގެ ދައުވާ އެވެ.