ރައީސް ޑރ. މުހައްމަދު މުއިއްޒުގެ "ހަފުތާ 14" ނުވަތަ ވެރިކަމުގެ ފުރަތަމަ 10 ދުވަހުގެ ތެރޭގައި ހުޅުވަން ކަނޑައެޅި 19 ޕޮލިސް ހުޅުވައި ނިމިފައިވާ ކަމަށް ފުލުހުން ބުނެފި އެވެ.
އެ ލަނޑުދަނޑި އަށް ވާސިލުވާން ފެށި މަސައްކަތުގެ ތެރެއިން ފުރަތަމަ ޕޮލިސް ހޯސްޓް ހުޅުވީ ޑިސެމްބަރު މަހުގެ ތެރޭގައި ހއ. ފިއްލަދޫ ޕޮލިސް ޕޯސްޓެވެ. އަދި 19 ވަނަ ޕޮލިސް ޕޯސްޓް އިއްޔެ ހުޅުވީ ގއ. ކޮނޑޭ އެވެ.
މި ސަރުކާރުން އައި ފަހުން ޕޮލިސް ޕޯސްޓްތައް ހުޅުވި އިތުރަށް ރަށްށަކީ ހދ. ކުރިނބި، ހދ. ނެއްލައިދޫ، ށ. ޅައިމަގު، ނ. ޅޮހި، ނ. ހެނބަދޫ، ނ. މާޅެންދޫ، ނ. މިލަދޫ، ބ. މާޅޮސް، ބ. ކިހާދޫ، ބ. ކުޑަރިކިލު، ބ. ހިތާދޫ، ވ. ތިނަދޫ އަދި ވ. ފުލިދޫ، ދ. ހުޅުދެލި، ތ. ވަންދޫ، ތ. ގާދިއްފުށި އަދި ލ. މާބައިދޫގަ އެވެ.
އެގޮތުން މި މަހުގެ ތެރޭގައި އެކަނި ވެސް 9 ޕޮލިސް ޕޯސްޓެއް ހުޅުވި އެވެ. މިދިޔަ މަހު 7 ރަށެއްގައި ޕޮލިސް ޕޯސްޓު ހުޅުވައި އެ ރަށްރަށުގައި ފުލުހުން ގާއިމުވެ ތިބެ ޚިދުމަތް ދޭން ފަށާފައިވާ އިރު ފާއިތުވި އަހަރުގެ ޑިސެމްބަރު މަހުގެ ތެރޭގައި 3 ރަށުގައި ޕޮލިސް ޕޯސްޓު ހުޅުވި އެވެ.
ފުލުހުން ބުނީ އަމާޒަކީ ލާމަރުކަޒީކޮށް ރައްޔިތުންނާ ގާތުން ފުލުހުންގެ ޚިދުމަތް ދިނުމަށް ކަމަށާއި ރަށްރަށުގައި އަވައްޓެރި ފުލުހުންގެ ޚިދުމަތް ގާއިމުކޮށް އަދި ފުލުހުންގެ ޚިދުމަތް މިހާތަނަށް ގާއިމުވެފައި ނުވާ ރަށްރަށުގައި ފުލުހުންގެ ޚިދުމަތް ގާއިމުކުރުމުގެ މަސައްކަތް މެދުކެނޑުމެއްނެތި ކުރަމުން އަންނަ ކަމަށެވެ.