މަސްދޯނި ފަހަރަށް ރެސްކިއު ޑައިވަރުން ތަމްރީނު ކުރުމަށް ފިޝަރީޒް މިނިސްޓްރީން ފެށި ޕްރޮގްރާމްގެ ދަށުން އިތުރު 7 ފަޅުވެރިއަކު ކޯސް ފުރިހަމަކޮށްފި އެވެ.
ރެސްކިއު ޑައިވަރުން ތަމްރީނު ކުރުމުގެ ދެވަނަ ބުރު ހިންގީ ގއ. ދެއްވަދޫގަ އެވެ. ފިޝަރީޒް މިނިސްޓްރީން ބުނީ އެ ރަށުގެ 7 ދޯނިން 7 ފަޅުވެރިއަކު ރެސްކިއު ޑައިވަރު ކޯސް ފުރިހަމަކޮށްފައިވާ ކަމަށެވެ.
ދެއްވަދޫގައި ކޯސް ފުރިހަމަކުރި މަސްވެރިންނަކީ:
1. އަލީފު މުޙައްމަދު، ކުރިމަގު 2
2. ރަމްޒީން މުޙައްމަދު، ކުރިމަގު
3. މުޙައްްމަދު ސަވާދު، ސަވާރީ
4. އަޙްްމަދު ޒާހިރުމ ފަހިމަގު
5. ޙަސަން ވަޙީދު، މަސްކުރަނގި
6. ހަސަން ޤަދީރު، ދަރުމަ
7. ހާޝިމް ޢަބްދުﷲ، ސަންޓާނާ
އެންވެރިކަން ކުރާ ކޮންމެ ދޯންޏެއްގައި ރެސްކިއު ޑައިވަރެއް ތަމްރީނު ކުރުމުގެ ޕްރޮގްރާމްގެ ފުރަތަމަ ބުރުގައި 50 މަސްވެރިއަކު ތަމްރީން ކުރުމަށް ވަނީ ހަމަޖެހިފަ އެވެ.
މީގެ ފުރަތަމަ ބެޗް މިދިޔަ މަހުގެ 19 ގައި މަޑަވެލީގައި އެ ބެޗްގައި 8 މީހަކު ކޯސް ފުރިހަމަކޮށްފައިވެ އެވެ.