އެސްޓޯނިއާގެ 106 ވަނަ މިނިވަން ދުވަހުގެ ތަހުނިޔާ ރައީސް ޑރ. މުހައްމަދު މުއިއްޒު ފޮނުއްވައިފި އެވެ.
އެ ގައުމުގެ ރައީސް އަލާރް ކާރިސް އާއި ބޮޑުވަޒީރު ކާޖާ ކަލަސް އަށް ރައީސް ވަކިވަކިން ފޮނުއްވި މެސެޖްތަކުގައި ދެ ބާފުޅުންނަށް ތަހުނިޔާ ދަންނަވައި، އެސްޓޯނިއާގެ ރައްޔިތުންނަށާއި އެ ގައުމަށް ފާގަތި މުސްތަގުބަކަށް އެދިވަޑައިގަންނަވާ ކަމަށް ވިދާޅުވި އެވެ.
ރައީސްގެ މެސެޖްގައި އެސްޓޯނިއާގެ ރައީސާއި ބޮޑުވަޒީރަށް ދުޅަހެޔޮ ސިއްހަތަކަށް ވެސް އެދިވަޑައިގެންފައިވެ އެވެ.
ޔޫރަޕްގެ ގައުމެއް ކަމަށްވާ އެސްޓޯނިއާ އަށް މިނިވަންކަން ލިބުނީ ފެބްރުއަރީ 24، 1918 ގަ އެވެ.
ރައީސް އިއްޔެ ވަނީ ބްރޫނާއީގެ 40 ވަނަ ގައުމީ ދުވަހުގެ މުނާސަބަތުގައި، އެ ގައުމުގެ ރަސްގެފާނު ސުލްޠާން ޙާޖީ ޙަސަނުލް ބުލްކިއާ މުޢިއްޒައްދީން ވަދާޢުﷲ އަށް ވެސް ތަހުނިޔާ ފޮނުއްވައިފި އެވެ.