އަރަބިއްޔާ ސްކޫލްގެ އާ އިމާރާތުގެ މަސައްކަތް މިއަދު ފަށައިފި އެވެ.
އެ މަސައްކަތް ފައްޓަވައި ދެއްވީ އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު އެވެ.
ރާއްޖޭގައި އަރަބި މީޑިއަމަށް ކިޔަވައިދޭ ހަމައެކަނި ސްކޫލު އަޅަނީ ކުރިން ކުނިކޮށީގެ ގޮތުގައި ބޭނުން ކުރި 381 ނަމްބަރު ކޮށީގަ އެވެ. ކުރިން މި ސްކޫލް އިމާރާތް ކުރަން ނިންމީ ޖަމާލުއްދީ ބާ ސްކޫލް ހުރި ބިމުގަ އެވެ.
ދިހަ ބުރިއަށް އިމާރާތް ކުރާ އަރަބިއްޔާ ސްކޫލަކީ 42 ކްލޫސް ރޫމާ އެކީ އެންމެ ޒަމާނީ ފެންވަރަށް، ހުރިހާ ވަސީލަތްތައް އެކުލެވޭ ގޮތަށް އިމާރާތްކުރާ ސްކޫލެއް ކަމަށް މިނިސްޓްރީން ބުންޏެވެ. ގޮތުން އެތަނުގައި ސައިންސް ލެބާއި ލެބޯޓްރީތަކާއި މަލްޓިޕާޕަސް ހޯލާއި ކުދިން ކުޅޭނެ ޓާފް ދަނޑެއް ވެސް އޮންނާނެ އެވެ.
އަރަބިއްޔާ ސްކޫލްގެ އާ އިމާރާތުގެ ކޮންޓްރެކްޓަަކީ އަމީން ކޮންސްޓްރަކްޝަނެވެ. ކޮންޓްރެކްޓަ ފައިނޭންސް އުސޫލުން އެ ސްކޫލް އިމާރާތް ކުރަން އެ ކުންފުންޏާ ހަވާލުކުރީ ކުރީގެ ސަރުކާރުގައި ސެޕްޓެމްބަރު 29، 2022 ގަ އެވެ.
އަރަބިއްޔާ ސްކޫލްގެ އާ އިމާރާތުގެ މަސައްކަތް ފެށި މި ސްކޫލްގައި ކިޔަވާ ދަރިވަރުންނަށް ދާއިމީ ސްކޫލެއްގެ ނެތުމުގެ މައްސަލަ އަކީ ވަރަށް ބޮޑުވެފައި އޮތް މައްސަލައެކެވެ.