ހުޅުމާލޭގެ ހިޔާ ޓަވަރެއްގައި ދިމާވެދާނެ ނުރައްކާތެރި ހާދިސާއަކަށް ވިލުންވެރިކަން އިތުރުކުރުމުގެ ގޮތުން ހާދިސާތަކަށް އިޖާބަދި ނުމުގައި ހަރަކާތްތެރިވާ އެޖެންސީތަކުން ގުޅިގެން "އެކްސަސައިޒް ހިޔާ" ނަމުގައި އެކްސަސައިޒެއް ބާއްވައިފި އެވެ.
އެމްއެންޑީއެފުން ބުނީ މިއީ، ޔުނައިޓެޑް ސްޓޭޓްސް އެޖެންސީ ފޮ އިންޓަރނޭޝަނަލް ޑިވެލޮޕްމަންޓް (ޔޫއެސް އެއިޑް) "ސްޕްރިން ޕްރޮޖެކްޓް" ގެ ދަށުން އޭޝިއަން ޑިޒާސްޓަ ޕްރެޕެއަޑްނެސް ސެންޓަ (އޭޑީޕީސީ) އިން ސަޕޯޓް ދީގެން ބޭއްވި މި އެކްސަސައިޒެކެވެ.
ހުޅުމާލެ ފޭސް ދޭއްގެ ހިޔާ ފުލެޓް 16 ސަރަހައްދުގައި މިއަދު ހެނދުނު ބޭއްވި އެކްސަސައިޒް ކުރިއަށް ގެންދިޔައީ، ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އާއި މޯލްޑިވްސް ރެޑް ކްރެސެންޓް އަދި އެމްއެންޑީއެފް ފަޔަ އެންޑް ރެސްކިޔު ގުޅިގެންނެވެ.
މި އެކްސަސައިޒަކީ، ހާދިސާތަކަށް އިޖާބަ ދިނުމުގައި ހަރަކާތްތެރިވާ އެޖެންސީތަކުގެ އެސްއޯޕީތަކަށް އަހުލުވެރިވުމުގެ ގޮތުން، ދިމާވެދާނެ ކުއްލި ހާލަތްތަކުގައި ހަރަކާތްތެރިވުމުގައި ވާންޖެހޭ ތައްޔާރީއާއި، ކޯޑިނޭޝަން އިތުރުކުރުމަށްޓަކައި ކުރިއަށް ގެންދިޔަ އެކްސަސައިޒެކެވެ. އެގޮތުން، އިޖާބަދިނުމުގެ އިސްތިރާޖީތައް ޢަމަލީ ގޮތުން ޓެސްޓްކޮށް، ރަނގަޅު ކުރަންޖެހޭ ދާއިރާތައް ދެނެގަތުމަށް ޓަކައި މި އެކްސަސައިޒްގައި، ހިޔާ ޓަވަރެއްގައި ރިއަލް ލައިފް ސިނާރިއޯއެއް ސިމިއުލޭޓްކޮށް، ފަރިތަކޮށްފައިވެ އެވެ.
މި އެކްސަސައިޒް އިތުރު އެހީތެރިކަން ދީފައިވާ އެޖެންސީތަކުގެ ތެރޭގައި ޕޮލިސް، އެޗްޑީސީ، މާލެ ސިޓީ ކައުންސިލްގެ އިތުރުން ހުޅުމާލެ ހޮސްޕިޓަލާއި އީއެމްއެސް ހިމެނެ އެވެ.