މާލެ ސަރަހައްދުގައި ކުނި އުކައިލަން ބޭނުންކުރާ އާންމު ފަރާތްތަކުގެ އުޅަނދުތަކުން ނަގާ ފީ ކުޑަކުރަން ވެމްކޯ އިން ނިންމައިފި އެވެ.
އެ ކުންފުނުން ނެރުނު ބަޔާނެއްގައި ބުނީ، ކުނި އުކާލުމަށް އާންމު ފަރާތްތަކުން ބޭނުންކުރާ އާންމު އުޅަނދުތަކުން ނަގާ ފީ، މި އަންނަ މަހުން ފެށިގެން ކުޑަވާނެ ކަމަށެވެ. އެގޮތުން މިހާރު އެ ޚިދުމަތުން ޓަނަކަށް ނަގަމުން އަންނަ 1،060ރ. ގެ ބަދަލުގައި އަންނަ މަހުގެ 1 އިން ފެށިގެން 750ރ. އެވެ.
މީގެ އިތުރުން ކުނި ޖަމާކުރާ ފެސިލިޓީތަކަށް ކުނި ގެންނަ ސަރުކާރާއި ސަރުކާރު ހިއްސާވާ ކުންފުނިތަކުގެ ކުންޏަށް ނަގާނީ ޓަނަކަށް 2،660ރ. ރުފިޔާގެ މަގުންނެވެ. އަދި މާލެ ސަރަހައްދުގައި ކުނި އުކައިލުމުގެ ޚިދުމަތް ފޯރުކޮށްދޭ ފެސިލިޓީތަކަށް އަންނަ އާންމުންނާއި ސަރުކާރާއި ސަރުކާރު ހިއްސާވާ ކުންފުނިތަކުގެ ކޮންމެ އުޅަނދަކަށް ޚިދުމަތުގެ އަގެއްގެ ގޮތުން ވަންނަ ކޮންމެ ފަހަރަކު 150ރ. ރުފިޔާގެ ފީއެއް ނަގާނެ ކަމަށް ވެމްކޯ އިން ބުންޏެވެ.