ނެޓްބޯޅަ އާއި ފުޓްސަލް އިންޑޯ ކޮމްޕްލެކްސް ހަދަން ހުޅުމާލެ އިން ބިން ދޫކޮށްފިއެވެ.
ފުޓްސަލް އިންޑޯ ކޮމްޕްލެކްސް އަށް 54،992 އަކަފޫޓުގެ ބިމެއް ދޫކޮށްފައި ވަނީ ފޭސް ދޭއްގެ ހިޔާ 16 ވަނަ ޓަވަރުގެ ގެ އުތުރުން ކުރިމަތީގައި އޮންނަ ބިމުންނެވެ. ނެޓްބޯޅަ އިންޑޯ ކޮމްޕްލެކްސް ހަދަން 50،142 އަކަފޫޓުގެ ބިން ދޫކޮށްފައި ވަނީ ހުޅުމާލެ ފޭސް އެކެއްގެ ގާޒީ ސްކޫލް ކުރިމަތީގައި އޮންނަ ބިމުންނެވެ.
ބިންތައް ހަވާލުކުރަން ބޭއްވި ހަފުލާގައި ހައުސިން ޑިވެލޮލްމަންޓް ކޯޕަރޭޝަން (އެޗްޑީސީ) ގެ ފަރާތުން އެއްބަސްވުމުގައި ސޮއި ކުރެއްވީ މެނޭޖިން ޑިރެކްޓަރު އިބްރާހިމް ފަޒުލް ރަޝީދެވެ. ފިނޭންސް މިނިސްޓްރީގެ ފަރާތުން މިނިސްޓަރު ޑރ. މުހައްމަދު ޝަފީގު ސޮއިކުރެއްވި އިރު، ސްޕޯޓްސް މިނިސްޓްރީގެ ފަރާތުން ސޮއި ކުރެއްވީ މިނިސްޓަރު އަބްދުﷲ ރާފިއު އެވެ.
ސްޕޯޓްސް މިނިސްޓްރީން ބުނީ ހުޅުމާލޭގައި ހަދާ ނެޓްބޯޅަ އާއި ފުޓްސަލް ކޮމްޕްލެކްސްއަ ކީ ރާއްޖޭގެ ކުޅިވަރުގައި މިހާތަނަށް، މަލްޓި ޕާޕަސް ބޭނުމަށް ހަދާ އެންމެ ބޮޑު ދެ ކޮމްޕްލެކްސް އަށް ވާނެ ކަމަށެވެ.