އައްޑޫ ހިތަދޫގައި މިއަދު ނުރައްކާތެރި އެކްސިޑެންޓެއް ހިނގައި، އެއްކާރު އަރިއަޅާލައިފި އެވެ.
އައްޑޫ ސިޓީ ކައުންސިލް އިދާރާގައި ހެނދުނު 7:30 އެހާކަށްހާ އިރު މި އެކްސިޑެންޓް ހިނގީ ދެ ކާރު ޖެހިގެންނެވެ. މީގެ ތެރެއިން އެއްކާރު ފުރޮޅާލައި، އެއަށް ބޮޑެތި ގެއްލުންތަކެއް ލިބިފައިވެ އެވެ. އަނެއް ކާރަށް ވެސް އެކި ވަރުގެ ގެއްލުންތައް ވެފައިވެ އެވެ.
ނަމަވެސް މި ހާދިސާގައި ކާރުގައި ތިބި މީހުންނަށް ސީރިއަސް އެއްވެސް ގެއްލުމެއް ނުވެ އެވެ. އެނގިފައިވާ ގޮތުގައި އެކްސިޑެންޓްވި ދެ ކާރުގެ ތެރެއިން އެއް ކާރުގައި އިނީ އައްޑޫ ހައި ސްކޫލްގެ އަންހެން ޓީޗަރެކެވެ. އަނެއް ކާރުގައި އިނީ ފުލުހެކެވެ.
މި ހާދިސާ އައްޑޫ ފުލުހުން އަންނަނީ އިތުރަށް ތަހުގީގު ކުރަމުންނެވެ.